СПОРТ

20 настай Д.Отгонжаргал ДАШТ-д анх оролцоод хүрэл медаль хүртэв

Чөлөөт бөхийн насанд хүрэгчдийн ДАШТ-ээс Монголын багийн дөрөв дэх медалийг Дагвадоржийн Отгонжаргал хүртлээ.

Эмэгтэйчүүдийн 50 кг-ын жинд барилдсан, 2018 оны өсвөр үеийн ДАШТ-ий мөнгөн медальт, 2019, 2020 оны насанд хүрэгчдийн УАШТ-ий хүрэл медальт, “Женко” клубийн залуу тамирчин, спортын мастер тэрбээр ДАШТ-д анх өрсөлдөөд ийн дэлхийн медальтан болов.

3 хүн, зогсож буй хүмүүс болон дотор гэх мэтийн зураг байж болно

Д.Отгонжаргал хүрэл медалийн төлөөх барилдаанд 2017, 2019 оны ДАШТ-д финалдаж мөнгөн медаль хүртэж байсан Румыний туршлагатай бөх Алина Вучийг оноогоор цэвэр (10:0) яллаа. Түүний оролцсон олон улсын анхны тэмцээн нь ДАШТ байлаа.

Тэрбээр Монголын чөлөөт бөхийн эмэгтэй тамирчдаас хамгийн хөнгөн жинд медаль хүртсэн анхны бөх болов. Д.Отгонжаргалын багш нь Гавьяат дасгалжуулагч Т.Сүхбаатар. Т.Сүхбаатар гавьяатын шавь нар ДАШТ-ээс 11 дэх медалиа хүртэж байгаа нь энэ.

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

Холбоотой мэдээ

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button