ОХУ-ын хоёр иргэнийг нэг тонн кокаин ачсан усан онгоцтой нь хамт Францын хууль сахиулах байгууллагынхан саатуулжээ. Тэдний эсрэг мөрдөн байцаалтын ажиллагааг эхлүүлсэн талаар ОХУ-ын Элчин Сайдын Яам “Коммерсант” агентлагт мэдээлэв.
Тэдний нэгийг нь цагдан хорьж, хоёр дахь иргэн нь Франц улсын нутаг дэвсгэрээс гарч явахгүй гэсэн өргөдөл бичиж өгөөд суллагджээ.
“Дюнкерк боомт дээр усан онгоцонд саатуулагдсан Оросын далайчдын нөхцөл байдлыг бид хянаж байна. Бид ОХУ-ын иргэдийн эрх, ашиг сонирхлыг хамгаалахын тулд шаардлагатай арга хэмжээг үргэлжлүүлэн авах болно” хэмээн ОХУ-ын ЭСЯ-ны хэвлэлийн албанаас мэдэгдэв.
Усан онгоцыг аравдугаар сарын 1-нд саатуулжээ. Усан онгоц нь Либери Улсын далбаан дор хөвж байжээ. Хэвлэл мэдээллийн хэрэгслээр тус онгоцонд ОХУ, Украйн, Филиппин, Этиоп, Румын улсын иргэд гээд 20 иргэн байсан гэнэ. Францын хууль сахиулагчид усан онгоцноос нэг тонн гаруй кокаин олж илрүүлсэн бөгөөд одоо мөрдөн шалгах ажиллагаа үргэлжилж байна.
(Эх сурвалж: Kommersant)
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.