АНУ-ын Конгрессын Төлөөлөгчдийн танхимын хяналт, шинэчлэлийн мөрдөн шалгах ажиллагааны явцад АНУ-ын Ерөнхийлөгч асан Дональд Трамп Вашингтоны зочид буудлынхаа ашиг орлогыг “хэт их хэмжээгээр хэтрүүлсэн” нь ил болжээ. Энэ талаар “Би-Би-Си” /BBC News/ мэдээлжээ.
“Трамп” олон улсын зочид буудал нь Трампыг Ерөнхийлөгчийн албыг хашиж байх хугацаанд нь 70 сая гаруй америк долларын алдагдал хүлээсэн ч өмнө нь өөрийнх баталж ярьснаар энэ хугацаанд тэрбээр хамгийн багадаа 150 сая америк долларын ашиг орлого олсон гэж мэдэгдэж байв.
Хяналт, шинэчлэлийн мөрдөн шалгах явцын талаархи АНУ-ын Төлөөлөгчдийн танхимын баримт бичгээс үзэхэд Ерөнхийлөгч асан Трамп тус улсын Засгийн газарт өөрийн зочид буудлын санхүүгийн байдлын талаар худал ташаа мэдээлэл өгсөн гэж буруутгажээ.
Харин Трампын албанаас дээрхи мэдээллийг “худлаа”, “олныг төөрөгдүүлэх” гэсэн оролдлого гэв.
(Эх сурвалж: Mignews)
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.