“COVID-19”-ийн цар тахал нь зуун сая гаруй хүнийг ядууралд хүргэсэн ба дөрвөн тэрбум гаруй хүн нийгмийн дэмжлэг авч чадахгүйд хүрсэн гэж НҮБ-ын Ерөнхий Нарийн Бичгийн Дарга /ЕНБД/ Антониу Гутерриш улс орнуудыг коронавируст цар тахал өвчний дараагаар сэргээн босгох Олон Улсын Валютын Сангийн арга хэмжээний үеэр хэлэв.
“Царт тахал нь зүүн сая гаруй хүнийг ядууралд орууллаа. Дөрвөн тэрбум гаруй хүн нийгмийн дэмжлэггүй, эрүүл мэндийн тусламж үйлчилгээ авч чадахгүй, яаралтай тусламж хэрэгтэй байгаа үед тэднийг хамгаалах орлогогүй байна” гэж Гутерриш тодотгов.
Түүний хэлснээр, вакцины хувиарлалт тэгш бус байгаа нь Дэлхийн хэмжээнд сая сая хүн амь насаа алдахад хүргэж, эдийн засгийн уналт удааширч их наядаар хэмжигдэх америк долларын алдагдалд орж байгаа нь ядуу буурай улс орнуудад хамгийн хүндээр тусч байгаа гэв.
“Царт тахал өвчний тархалтыг хумин Дэлхийн эдийн засгийг тогтвортой, цогцоор нь сэргээх үйлсэд зоригтой хамтын хүчин чармайлт хэрэгтэй байна” гэж ЕНБД хэлэв.
(Эх сурвалж: Ria.ru)
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.