НийгмийнТодруулга

СЭТГҮҮЛЧ О.Алуунгуа: Хүссэн цагт нь хүссэн асуултыг нь асуугаагүйгээс болоод над руу чичиж, цохив бололтой

Сүхбаатарын талбай дээр суулт зарлаад буй УИХ-ын гишүүн асан, МУГЖ С.Жавхлан өөрөөс нь ярилцлага авах гэсэн сэтгүүлчийн толгойг гар утсаараа чичилж, цохижээ. Бид С.Жавхлангийн халдлагад өртсөн Unuudur.mn сайтын сэтгүүлч О.Алуунгуатай холбогдож тодруулга мэдээлэл авлаа.

Тэрбээр “Би өнөөдөр 12:30 цагийн үед Сүхбаатарын талбайн эргэн тойронд жагсаал зохион байгуулж буй болон өлсгөлөн зарлаад буй иргэдийг нэгтгэн  сурвалжлахаар очсон юм. Эхлээд жагсаж буй барилгачид болон өлсгөлөн зарлаж буй иргэнээс яриа авсан. Тэгээд УИХ-ын гишүүн асан С.Жавхлангаас яриа авахаар очсон юм. Энэ оны есдүгээр сард АН-аас гарч, уран бүтээлдээ төвлөрч буйгаа зарласан атлаа “Гудамжны улс төр” хийгээд яваад буйг нь асуусан. Дараа нь Сангийн сайд Б.Жавхлангаас дөрвөн тэрбум төгрөг төсвөөс нэхэмжилж өгөөгүй учраас суулт зарласан гэсэн мэдээлэл үнэн эсэхийг тодруулах гэсэн. Гэтэл “Сангийн сайд Б.Жавхлан” гээд асуултаа асууж дуусаагүй байхад яриаг минь тасалж, “Худлаа мэдээлэл яриад байна” гэсэн. Уг хариултынх нь дараа би “Таныг УИХ-д нэр дэвшинэ гэж ойлгож болох уу?” гэж асуусан. Гэтэл шууд уурлаад “Бэлдэж өгсөн асуулттай хүрч ирлээ. 13:00 цагаас хэвлэлийн хурал хийнэ гэж зарласан байгаа. 13:00 цагаас хүрээд ир. Цаашаа яв” гээд гар утсаараа толгой руу минь хүчтэй цохисон.

Өөрийнх нь хүссэн цагт ирээгүй, өөрийнх нь хүссэн асуултыг асуугаагүйгээс болоод над руу чичиж, цохив бололтой. Бантсан хүн хүн ална гэдэг шиг л юм боллоо. Манай редакцын удирдлагууд хуульчтайгаа дөнгөж сая уулзсан. Цагдаагийн байгууллагад гомдол гаргах гэж байна.

Нэмэлтээр хэлэхэд, С.Жавхлантай хамт жагсаж буй иргэд бас сэтгүүлчийг хөөж, худалдагдсан хэмээсэн. Тэдний ихэнхээс нь архи шиг юм үнэртэж байсан. Гар ариутгагчийн үнэр үү, архины үнэр үү гэдгийг сайн мэдэхгүй байна” хэмээв.

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

25 Сэтгэгдэл

  1. Монгол улсын сэтгүүл зүй, сэтгүүлчид туйлын бүдүүлэг, тэнцвэртэй хараат бус байж чаддаггүй. Бүгд ардаа захи####агчтай, эзэнтэй,төлбөртэй. Эсрэг тэсрэг байр суурьтай хүмүүсийн үзэл бодлыг үнэнээр нь л олон нийтэд хүргээд болоо штээ уг нь. Гэтэл тийм биш. Дундаас нь заав#### ашиг хонжоо харж, атаа жөтөөг нь хурц####ж байдаг онцгүй дүр төрх харагддаг даа. Дийлэнх нь ёс зүй муутай. Хамгийн наад захын жишээ зөв бичгийн дүрэм улаан нойл. Өөрсдөө ийм арчаагүй байж яаж хүнээс ярилцлага энэ тэр авна гээд явж байдгийн бүү мэд. Шинэ мэдээ мэдээлэл бэлтгэнэ гэж байхгүй. Минутын өмнө өөр сайт дээр гарсан мэдээг “копи паст “хийгээд л гүйцээ. Ядаж үг үсгийн ####дааг нь ч засахгүй. Тэр чигт нь л хуулна. Бодвол мэдээ бэлтгэсэн гээд ц####ин хөлсөө авдаг биз. Үндсэндээ бол хуулан бичлэг шүү дээ.

  2. Зүгээр “та дахиад УИХ-д дэвших үү” л гэж асуулаа шүү дээ. Тэрний төлөө юун их сандарч, уурладаг юм. Эмэгтэй хүний толгойд дорд байдлаар хүрч нтр. Бүүр нэг заваан бүдүүлэг юм бэ. УИХ-д байхдаа юу хийж гийгүүлсэн юм. Юу ч хийж чадахгүй юм байж худлаа эх орон, ард түмэн гэж хашгичсан юмнуудыг л нэг их сүрхий шүтэж дэмжсэн хүмүүс. Ийм хүмүүс бүхэл бүтэн улс орны хөгжилд юуных нь хувь нэмэр оруулахав дээ. Өөрийгөө ч аятайхан аваад явж чадахгүй байж. Би та нарын төлөө явж байна гээд гараад ирэхээр ардын баатар аятай хүлээж авч шагшин магтана. Эцсийн дүндээ хүн өөрт ашигтай зүйлийн араас л ингэж үхэн хатан яваа шт. Ичиж үхмэр

  3. tolgoi ni hagarsan uu yaanaaa ymar ymnii huuli tsagdaa llariin site aa
    namaig bas huulichidtaigaa niileed llar gesen tuluu gomdol gargaarai llaraa

  4. Сэтгүүлчид нь болохгүй байгаа засагл####аа хамга####ан дуулагч ,цагдаа нь засгийн бороохой болжээ.Ийм амьдр#### хүсээгүй л юм сан

  5. Сэтгүүлч ажлаа хииж явна тэнэгээс им тэнэг дуучин нэрт м#### хүнии толгойг цохих ямар эрхтэй юм хүчтэй ч бай хөнгөн ч бай хүнии толгойг цохих эрх байхгүй энэ бол хүчирхиилэл байна цохиж буй нь ямар зэвүүн харагдав аа ааяааяаа ииим тэнэг хүн байх гэждээ охин шигээ хүнииг утсаараа цохилоошдээ пүү үхэж д####д орооч хүүр ээ

  6. Ямар сүртэй юм бэ. Бичлэгийг сайн үздээ тэр толгойг нь хагарт#### тийм хүчтэй цохиогүй байгаа биздээ. Сэтгүүлч хүн гэхээрээ хүнээс юу ч хамаагүй асууж хүнийг элдвээр гүтгэж болох юм уу.

  7. Яанаа ямар аймаар хэрэг болоо вэ? Сэтгүүлч нь гайгүй юу? Ухаан орсон бол уу? Тэгэж хүчтэй цохисон юм чинь аймаар болсон байх даа

  8. Odoo shudarga yneniig shaardsan Javhlang buruutgah argaa haij baina daa.ynenees aij baina uu.ene stgyylch nertei hymyys mungund durlaj shudarga ynenii esreg ard tymnii tolgoig ergyylehee boliochee.

  9. Жавхлан өөрийгөө юу гээд бодчихсон м#### вэ. УИХ д 4 жил суулаа юу хийсэн юм. Ард түмэн итгээд л сонгосон шүү дээ. Дуугаа дуулаад ард түмэндээ хайрлагдаад явж бай л даа. Улс төр хийх гээд ядаад бна уу даа. Одоо боль. Хүн чаддаг юмаа хийж амьдрах шиг сайхан зүйл байдаггүй юм. Одоо бүр шантааж хийж, хүн цохиж бна. Цаашдаа рекэт хийх үү.

  10. Судлаач Д.Ганхуяг:
    УИХ-ын гишүүн С.Жавхлан, Г.Уянга 2 хэвлэлийн бага хур#### хийж, Ерөнхийлөгч Ц.Элбэгдоржийг огцруулах сан#### бүхий бичгийг УИХ-д маргааш өргөн барина гэж мэдэгдэв. Харин маргааш нь С.Жавхлан ор сураггүй ####га болж, Г.Уянга ганц сайн хулхидуулж билээ. Саяхан шүү дээ..гэсэн байна

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Back to top button