ОХУ-ын Ерөнхийлөгч Владимир Путин, БНХАУ-ын дарга Ши Жиньпин нар 2021.12.15-нд онлайн холбоосоор дээд хэмжээний уулзалт хийнэ. Уулзалтын сэдэв нь цаашид хамтын ажиллагааг хөгжүүлэх асуудал байх болно гэж Кремлийн хэвлэлийн албанаас мэдээллээ.
“Орос-Хятадын иж бүрэн стратегийн түншлэлийн харилцааг 2021 онд хөгжүүлэх хамтарсан ажлын үр дүнг нэгтгэн дүгнэж, цаашдын хамтын ажиллагааны тэргүүлэх чиглэлийг хэлэлцэнэ” гэжээ.
Түүнчлэн хоёр орны удирдагчид дэлхийн болон бүс нутгийн тулгамдсан асуудлуудыг авч хэлэлцэнэ.
Өмнө нь, Хятадын ГХЯ энэ удаагийн дээд хэмжээний уулзалт Бээжин, Москва хоёрын харилцан итгэлцлийг бэхжүүлж, “олон улсын эмх замбараагүй орчинд тогтвортой байдал, эерэг энерги авчрах болно” гэж мэдэгдсэн байна.
Өмнөх удаагийн хоёр орны төрийн тэргүүнүүдийн уулзалт ч цахим хэлбэрээр 2021.06.28-нд болсон бөгөөд Орос-Хятадын сайн хөрш, найрамдалт хамтын ажиллагааны гэрээнд гарын үсэг зурсны 20 жилийн ойтой давхцсан.
(Эх сурвалж: Rianovosti)
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Autocratic axis