Өнгөрөгч нэгдүгээр сарын 04-нд Төв аймгийн Аргалант сумын нутаг дэвсгэрт үйл ажиллагаа явуулдаг махны үйлдвэрт менежер хийдэг 55 настай Б-гийн амийг бүрэлгэж, цогцсыг зооринд нуугаад зугтсан манаачийг СХД-т байрлах зочид буудлаас олсон тухай бид өмнө мэдээлсэн.
Эх сурвалжийн мэдээлснээр талийгаач Б нь манаачтайгаа хамт архи, согтууруулах ундаа ууж байсан гэх бөгөөд архи нэмэх мөнгөнөөс болж хоорондоо маргасан аж. Улмаар талийгаачийн гуян тус газарт нэг удаа хутгалж, амийг нь хөнөөжээ. Урьдчилсан байдлаар талийгаачийн гуяны гол судас гэмтсэнээс их хэмжээний цус алдаж амиа алдсан байж болзошгүй байна.
Б нь талийгаачийг хөнөөснийхөө дараа цогцсыг ашигладаггүй зоориндоо нуусан бөгөөд данснаас нь их хэмжээний мөнгө аваад зугтсан аж. Мөн өмнө нь малын хулгайн хэрэгт холбогдож, ял эдэлж байжээ.
Төв аймгийн цагдаагийн газарт хэргийн мөрдөн шалгах ажиллагаа үргэлжилж байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Эцсийн бүлэгт бас АРХИНААС л болж.
ямар аймар хэрэг гараад байгаа юм бэ
Хайр нинжин сэтгэл үгүй болоход мөхөл ирнэ