Мягмар гараг /2022.03.22/-ийн үдээс хойш Тайванийн төв хэсэгт орших Тайчун боомтоос холгүй олон улсын усан хилийн ойролцоо Монгол Улсын далбаатай ачааны “Престиж” хөлөг онгоц живсэн байна. Энэ талаар далайн болон боомтын товчооноос мэдээллээ.
Далайн эргээс 48.8 милийн зайд хөдөлсний дараа хөлөг живсэн гэж тус товчоо мэдээлээд, хөлөг онгоц живсэн бүсээс бусад хөлөг онгоцуудыг холдохыг анхааруулсан аж.
Мягмар гарагт Үндэсний аврах ажиллагааны төвөөс “Престиж” хөлөг онгоц 15:00 цагийн орчимд Тайчун боомтын ойролцоох хөвьж явсан ба багийн найман гишүүн буюу Индонезын долоон, Тайванийн нэг иргэн хөлөг онгоцноос үсрэхээс өөр аргагүй болсон гэж мэдэгдэв.
Хөлөг онгоц усанд живсэн мэдээллийг хүлээн авмагц Үндэсний агаарын цэргийн хүчний корпусын нисдэг тэрэг, Үндэсний батлан хамгаалах яамны “Black Hawk” нисдэг тэргүүдийг аврах ажиллагаанд дайчилсан хэмээн мэдээлэв.
17:24 цагийн орчимд хөлөг онгоцны ойролцоо хөвж явсан Японы ачаа тээвэрлэгч онгоц таван иргэний амийг аварсан байна. Үүний дараа мөн Индонезын долоон иргэнийг нисдэг тэргээр аюулгүй газар хүргэжээ. Тэдгээр долоон иргэн бүгд хохирол амсаагүй, бэртэл гэмтэл аваагүй байна.
Харин Тайванийн багийн гишүүн сураггүй алга болсон тул агаарын болон далай тэнгисийн хайгуулынхан эрэлд гарсан аж.
Эх сурвалж: Canews
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
anar sn shu