"Ж.Батсуурь анхан дунд шатны гишүүдээ дэмжсэн мөрийн хөтөлбөр боловсруулсан"
Ардчилсан намын даргын сунгаанд нэр дэвшигч, УИХ-ын гишүүн Ж.Батсуурь Сэлэнгэ аймгийн Ардчилсан намын гишүүд, дэмжигчидтэй уулзалт хийж бодлого, мөрийн хөтөлбөрөө танилцууллаа.
Гишүүд, дэмжигчид түүнийг халуун дотноор угтан авч анхан болон дунд шатны намын гишүүдээ дэмжсэн хөтөлбөр боловсруулсанд талархах хүмүүс олон байв. Дараалан хоёр ч сонгуульд ялагдал хүлээгээд буй Ардчилсан нам эрс шинэчлэл хийх цаг нь болсон гэдгийг гишүүд, дэмжигчид онцолж байна. Тамга тэмдэгний маргаан, тархай бутархай байдлыг богино хугацаанд цэгцэлж эв нэгдлийг эрхэмлэж, нэг туган доор нэгдэх шаардлагатай байна гэдгийг үг хэлсэн хүн бүр захиж байв.
Анхан болон дунд шатыг бэхжүүлэх, орон нутагт ажиллах боловсон хүчний нөөцийг бэлдэхэд онцгой анхаарах шаардлагатай байгааг хэлж Сэлэнгэчүүд намын даргад нэр дэвшиж буй Ж.Батсуурийг дэмжихээ илэрхийллээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.