Электрон тамхинд онцгой албан татвар ногдуулах хуулийн төслийг ЯАРАВЧЛУУЛАХЫГ шаардав
Электрон тамхины хэрэглээ, борлуулалт, нэмэгдэж байгаа билээ. Үүнтэй холбогдуулан УИХ-ын гишүүд НББХ-ны хуралдааны үеэр Электрон тамхинд онцгой албан татвар ногдуулах хуулийн төслийг ЯАРАВЧЛУУЛАХЫГ шаардав.
Тодруулбал,
УИХ-ын гишүүн Ч.Ундрам "Импортоор орж ирж буй электрон тамхинд онцгой албан татвар ногдуулах шаардлагатай байна" хэмээсэн.
УИХ-ын гишүүн Б.Саранчимэг сургуулийн орчинд, ер нь хаа сайгүй электрон тамхийг хэрэглэж байна. Дэлхий нийт электрон тамхины хор уршгийг зарлаад хориглож байна. Тэгэхээр манайх хориглож чадахгүй юмаа гэхэд онцгой татвар тавих, хуулийн төслөө яаралтай оруулж ирэх шаардлагатай байна" гэсэн юм.
Онцгой албан татварын тухай хуульд нэмэлт, өөрчлөлт оруулах тухай хуультай холбогдуулан “халаадаг тамхи”, “электрон тамхи”, “тамхи” гэсэн нэр томьёог шинээр тодорхойлон Тамхины хяналтын тухай хуульд нэмэлт оруулахаар холбогдох хуулийн төслийг боловсруулаад хэлэлцэж амжаагүй байгаа билээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
зөв шүү, яаравчлах хэрэгтэй