БНХАУ: НАТО бол АНУ-ын зорилгодоо хүрэх хамгийн тохиромжтой механизм

НАТО-гийн эвсэл АНУ-ын ноёрхлыг дэлхийд баталгаажуулахын тулд Ази Номхон далайн бүс нутгийг тогтворгүй болгож, ганхуулахыг зорьж байна хэмээн Хятадын “CGTN” мэдээллийн агентлаг нийтэлжээ.

Мэдээлэлд тэмдэглэснээр, Умард Атлантын Холбоо буюу НАТО өөрсдийгөө “хамгаалах” эвсэл хэмээн үздэг хэрнээ Украин дахь дайныг улам өдөөн турхирч байгааг онцолсон байна.

“НАТО энх тайван, аюулгүй байдлын төлөө “хашгирч” байгаа ч бусад улс орнуудын хооронд “яс хаядаг”. Одоо харин тэд Атлантын далайн хязгаараа давж, Ази Номхон далайн бүс нутаг руу түлхүү анхаарлаа хандуулж эхэлсэн” хэмээн Хятадын хэвлэлд дурджээ.

Ажиглагчдын үзэж байгаагаар, НАТО-гийн эвсэл бол АНУ-ын ноёрхлыг тогтоох хэрэгсэл. АНУ Хятад улс бүхий л салбарт өөдөө цойлж байгаад цаанаа атаархаж, хуваагдашгүй ноёрхлоо тогтооход нь хөндлөнгөөс саад болж байна гэж үзжээ. “Бээжингийн нэр хүнд өсөн нэмэгдэж буй бодит байдалтай нүүр тулсан Вашингтон зүгээр нэг өдөөн хатгалга бус, харин Хятадыг хязгаарлах нэгдсэн фронт байгуулахыг эрмэлзэж байна. НАТО бол АНУ-ын эл зорилгодоо хүрэх хамгийн тохиромжтой механизм” хэмээн Хятадын тоймч, шинжээчид дүгнэжээ.

Шинжээчдийн тооцоолсноор Ази, Номхон далайн орнууд Ази дахь энх тайван, тогтвортой байдлыг сонгох ухаан байх учиртай. Зөв шийдвэр гаргаж чадвал НАТО Барууны улс орнуудыг бүс нутагт зэвсэг нийлүүлж, мөргөлдөөн дайн эхлүүлэхээс сэргийлнэ хэмээв.

Эх сурвалж: CGTN

Энэ мэдээнд өгөх таны үнэлгээ

Хуваалцаарай Жиргээрэй