Зэвсэгт мөргөлдөөн, хүчирхийлэл, хэлмэгдүүлэлтийн улмаас орон гэрээсээ дүрвэсэн дүрвэгсэд болон дотоодын дүрвэгсдийн тоо дэлхий дээр 100 саяас даваад байгаа аж. Энэ нь түүхэнд анх удаа тохиолдож байгаа хэрэг хэмээн НҮБ-ын Дүрвэгсдийн асуудал эрхэлсэн Дээд комиссарын газар /UNHCR/ мэдээллээ.
Мөргөлдөөн, хүчирхийлэл, хавчлагад өртөх эрсдэл аюулын улмаас дүрвэхээс өөр аргагүйд хүрсэн хүмүүсийн тоо түүхэндээ анх удаа ийнхүү 100 саяас давсныг онцолж байгаа юм.
Тус байгууллагын мэдээлснээр, 2021 оны эцсээр дэлхийн хэмжээнд 90 сая дүрвэгч байсан. Харин 2022 онд Украинд болж буй дайны улмаас дотооддоо найман сая хүн дүрвэж, зургаан сая гаруй дүрвэгсэд бүртгэгдсэн.
ОХУ-ын Батлан Хамгаалах Яамны мэдээлснээр, тавдугаар сарын 21-ний байдлаар, Украинд Оросын цэргүүд халдсанаас хойш түүний нутаг дэвсгэрээс гадна Донецк, Луганскаас 1.3 сая хүнийг нүүлгэн шилжүүлжээ.
Эх сурвалж: The Guardian
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.