Испанид сургуулийн багшаар ажилладаг Британи эр “Гиннес”-ийн номонд бичигдлээ. Тэрбээр тасралтгүй 39 цаг 37 минут 54 секундын турш рэп хийсэн байна. Энэ талаар “United Press International” мэдээлжээ.
Даниэль Алкон буюу уран бүтээлийн нэр нь Dalcon гэх багш залуу өдгөө 35 настай ба Испанийн Валенси хотод болсон хамгийн урт бие даасан рэп марафонд оролцож ийнхүү “Гиннес”-ийн дээд амжилт тогтоолоо.
Тэрбээр 2021 оныхоо оролдлогоор дэлхийн дээд амжилтад хүрэхэд нэг цагийн зөрүүгээр хожигдож байжээ.
Өмнөх амжилтыг 33 цаг 33 минут 16 секундын амжилтаар 2020 онд Америкийн рэппер Ватски /Watsky/ тогтоож байжээ.
Алкон рэп марафоныхоо шууд дамжуулалтыг “YouTube” сувагт оруулжээ. “YouTube”-д түүний үглэсэн рэпийг 11 цаг үзэх боломжтой.
Эх сурвалж: Thenorthernecho.co.uk
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.