Жүдо бөхийн Улаанбаатарын Их дуулга тэмцээний эхний өдрийн барилдаан “Степпе арена”-д дөнгөж сая дууслаа.
Өнөөдөр эрэгтэйчүүдийн 60, 66, эмэгтэйчүүдийн 48, 52, 57 кг-ын медальтнууд тодорлоо. Өнөөдөр эх орныхоо дэвжээнд Монголын 20 бөх барилдсанаас медалийн төлөө есөн жүдоч барилдав.
Тэднээс Б.Эрхэмбаяр алт, Г.Сод-Эрдэнэ, Г.Наранцэцэг нар мөнгө, Э.Сумъабазар, Ё.Басхүү, Б.Хорлоодой, М.Ичинхорлоо нар хүрэл медаль хүртээд байсан.
Өнөөдөр Монголын багийн сүүлчийн медалийн төлөө ОУХМ Л.Энхрийлэн өрсөлдлөө. Гавьяат дасгалжуулагч Ц.Шийрэвийн шавь тэрбээр эмэгтэйчүүдийн 57 кг-ын аваргын төлөө IJF-ийн нэрийн өмнөөс өрсөлдсөн, ОХУ-ын жүдоч Курбонмамадоватай барилдлаа.
Эл барилдаанд Л.Энхрийлэн цэвэр ялж, түрүүллээ. Ингэснээр Улаанбаатарын Их дуулгаас Монголын багийн хоёр дахь алтан медалийг хүртэв.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Халуун баяр хүргэе
Мундаг монгол охин шүү
Гоё гоё