НИЙГЭМ

Шинэ оюутнуудын цугларах “RISE” хөтөлбөрийн бүртгэл эхэллээ

Оюутны амьдралд хөл тавьж буй залууст эрч хүч, урам зориг өгч, басхүү мэдлэг мэдээлэл, туршлага хуваалцан хамтдаа “Суралцъя, хөгжье” хэмээн уриалдаг “RISE” шинэ оюутны хөгжлийн хөтөлбөрийг ХААН Банк Сангаас уламжлал болгон дөрөв дэх жилдээ зарлалаа.

Сурагчийн ширээнээс оюутны амьдралд хөл тавих мөч бол амьдралын хамгийн сонирхолтой, адал явдалтай, онцгой цаг үе байдаг бөгөөд шинэ оюутнуудыг их сургуулийн орчинд хурдан дасан зохицох, хичээлээс гадуур өөрийгөө хөгжүүлэх, амжилттай суралцах арга барил эзэмших, цаашлаад их хотын соёлтой, зөв төлөвшилтэй иргэн болоход чиглүүлэн дэмжих, бие даасан оюутан болоход нь “RISE” хөтөлбөр туслах зорилготой юм.

Хөтөлбөрийн хүрээнд сонирхолтой арга хэмжээ, сургалт, хамтарсан үйл ажиллагааг хичээлийн жилийн турш зохион байгуулдаг. Энэ бүгдээс хамгийн оргил үе буюу оюутнуудад мартагдашгүй дурсамж үлдээн, сэтгэл догдлуулдаг үйл явдал нь яахын аргагүй жил бүрийн намрын хамгийн том арга хэмжээ болсон “Rise”-ын нээлт юм. Нээлтийн арга хэмжээнд жил бүр 1000 гаруй шинэ оюутан нэг дор цуглаж,  мэдлэг мэдээлэл, туршлагаасаа хуваалцдаг билээ.

Энэ жилийн нээлтийн арга хэмжээ тун удахгүй болох бөгөөд уламжлал ёсоор олны танил, нийгэмд манлайлж яваа шилдэг залуус урилгаар оролцож, хэлэлцүүлэг, илтгэл танилцуулахаас гадна урлагийн сонирхолтой үзүүлбэрүүд толилуулах юм.

Мөн шинэ оюутнуудад хэрэгтэй мэдээллийг нэг дор цогцоор нь төвлөрүүлсэн мэдээллийн булангууд энэ үеэр ажиллана. Тухайлбал, “Улаанбаатар смарт карт” ХХК-тай хамтран нийтийн тээврээр хөнгөлөлттэй зорчих оюутны цахим картын мэдээлэл, Нийгмийн эрүүл мэндийн үндэсний төв оюутнуудад эрүүл мэндийн үйлчилгээг хэрхэн авах тухай танилцуулах бол ХААН Банкны ажилтнууд оюутнуудад зориулсан банкны цахим үйлчилгээг хэрхэн амар хялбар авах болон “Rise” хөтөлбөрийн тухай илүү дэлгэрэнгүй мэдээлэл өгөх юм.  

“RISE” шинэ оюутны хөгжлийн хөтөлбөрийн нээлтэд оролцохыг хүсвэл шинэхэн оюутан та ЭНД дарж бүртгүүлэхийг урьж байна. Нээлтийн арга хэмжээнд оролцох оюутны тоо хязгаартай бөгөөд бүртгэлийн асуултуудад хариулсан байдлаар нь шалгаруулан урилга хүргүүлэх юм. “Rise” шинэ оюутны хөтөлбөрт хамрагдах боломж нь 1-р курсийн бүх оюутанд нээлттэй гэдгийг дуулгая. 

RISE шинэ оюутны хөгжлийн хөтөлбөр 2022  нэртэй фэйсбүүк группэд шинэ оюутан та бүхэн нэгдэж, мэдээлэл авснаар хичээлийн жилийн турш  зохион байгуулах олон сонирхолтой, үр өгөөжтэй сургалт, арга хэмжээнд хамрагдах боломжтой шүү.

Энэ мэдээнд өгөх таны үнэлгээ
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button