УЛС ТӨР

Б.Энхбаяр: Ц.Нямдоржид сэтгүүлчдийг чагнаж, тагнасан асуудлаар Эрүү үүсгэсэн ч…

Хуульзүй дотоод хэргийн дэд сайд асан Б.Энхбаяр өчигдөр “Улаан бал” нэвтрүүлэгт оролцсон. Энэ үеэрээ Хууль зүй дотоод хэргийн сайд Ц.Нямдоржийн талаар хэд хэдэн ноцтой асуудлыг дэлгэн ярьсан юм.

Тэрбээр “Ц.Нямдорж сайдын сэтгүүлчийг хууль бусаар тагнаж, чагнасан гэх асуудал бий. Нэлээд дуулиан болсон.Тагнуулын байгууллагын хүрээнд яригдаж, өөрөө бас тайлбар өгсөн байх. Тагнуулын байгууллагаас Ц.Нямдоржийг сэтгүүлчдийг хууль бусаар чагнасан асуудлаар Эрүү үүсгэсэн байдаг.

Миний ойлгож байгаагаар, Эрүүгийн цагдаагийн газрын 2-3 нууц мэдээлэл цуглуулдаг төлөөлөгч нар дээр хэрэг үүсгэсэн гэж бодсон. Тэр хүмүүс зөвхөн Эрүүгийн цагдаагийн газрын даргын даалгавраар гүйцэтгэх ажиллагаа хийдэг. Гүйцэтгэх ажиллагааг прокурорын зөвшөөрөлгүй хийсэн байдаг.

Гүйцэтгэх ажиллагаагаар авагдсан мэдээ баримтууд нь Ц.Нямдорж сайд дээр байсан. Ц.Нямдорж сайд бааварлаж байгаад хүн амьтанд үзүүлчихсэн юм шиг байгаа юм. Тэр нь баригдаад, Ц.Нямдорж дээр хэрэг үүсгэгдсэн гэж би ойлгосон. Энэ хэрэг шалгагдаж байх үеэр Эрүүгийн цагдаагийн газрын дарга П.Энхбаяр гэнэт өвчнөөр нас барчихсан. Гүйцэтгэх ажилтнууд тэр хүний заавраар ажиллаж байсан. Гэтэл тэр хүн нь нас барчихсан. Тэгээд хэрэг нь гацчихсан”  гэж ярьжээ.

АСУУДЛЫГ САНУУЛВАЛ, Ц.Нямдорж сайдыг 2018 оны дөрөвдүгээр сард нэр бүхий 9 сэтгүүлчийг ар гэрийнхэнтэй нь хамт тагнаж, чагнасан асуудлаар Тагнуулаас байгууллагаас шалгаж эхэлсэн талаар мэдээлэгдэж байв. Гэвч  уг асуудлаар Ц.Нямдорж “Би ямар ч сэтгүүлчийг тагнаж чагнах үүрэг өгөөгүй. Есөн сэтгүүлчийг тагнаж, чагнасан л гэнэ. Нэг сэтгүүлчийн машины дугуйг буудсан л гэнэ. Та нар намайг тагнадаг болохоос би сэтгүүлчдийг тагнаж байсан тохиолдол миний амьдралд байхгүй” гэсэн тайлбар өгч байв.

УЛС ТӨРИЙН ХҮРЭЭНД “Ц.Нямдорж сайдад нэр бүхий сэтгүүлчдийн дансны мэдээлэл хүртэл хүртэл очсон. Тагнуулын байгууллага сэтгүүлчдийг тагнасан асуудлаар Ц.Нямдоржид эрүү үүсгэсэн ч тэр тохиролцсон” гэх асуудал яригддаг билээ.

Ж.МЯДАГБАДАМ

Таг

Холбоотой мэдээ

5 Сэтгэгдэл

  1. Ene said asan uneheer huuliin ondor medlegtei. Zehztei yarij bn lee. Shudarga, hun bn. Iim humuus iig ih hurald oruulah yumsan. Tegeed huuli zuin said bolgochih yumsan. Tegehgui bol arai l denduu bolj bn shuu. Zaluu min amjilt husie. Ene ercheeree ajilladag yum shuu.

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button
Close