СПОРТ

Чөлөөт бөхийн үндэсний шигшээ баг Белградыг зорилоо

Монголын чөлөөт бөхийн үндэсний шигшээ багийн тамирчид есдүгээр сарын 10-18-нд Сербийн нийслэл Белградад болох насанд хүрэгчдийн Дэлхийн аварга шалгаруулах тэмцээнд оролцохоор эх орноосоо мордлоо. Манай эрэгтэй бөхчүүд 1963 онд, эмэгтэй бөхчүүд 2001 онд Болгарын нийслэл Софид болсон ДАШТ-ээс эхлэн мөрөө гаргасан бөгөөд өнгөрсөн хугацаанд долоон алт, 21 мөнгө, 41 хүрэл, нийт 69 медалийг эх орондоо авчраад байна.

Эрэгтэйчүүдийн 52, эмэгтэйчүүдийн 33 дахь удаагийн тэмцээнд чөлөөт бөхийн үндэсний шигшээ багийн ахлах дасгалжуулагч гавьяат дасгалжуулагч Ц.Баярсайхан, үндэсний шигшээ багийн дасгалжуулагч, гавьяат дасгалжуулагч Т.Сүхбаатар, Б.Баяраа, гавьяат тамирчин Ц.Цогтбаяр, олон улсын хэмжээний мастер Б.Батзориг, спортын мастер С.Мөнхдуулдах нарын удирдлага дор эрэгтэй, эмэгтэй бүтэн багаараа оролцох юм.

Манай тамирчдаас олон улсын хэмжээний мастер Ө.Батзул таван жил дараалан дэлхийн дэвжээнд зодоглоно. Харин олон улсын хэмжээний мастер Э.Даваачимэг дөрөв, гавьяат тамирчин С.Цэрэнчимэд гурав, олон улсын хэмжээний мастер М.Лхагвагэрэл, Д.Отгонжаргал, Б.Бат-Эрдэнэ, Г.Ганхуяг, Э.Дэлгэрмаа, Э.Даваанасан нар хоёр дахь удаагаа, үлдсэн 11 тамирчин дэлхийн шилдгүүдтэй анх удаа нүүр тулах юм.

Белградад зодоглох Монголын бөхчүүд 

Эрэгтэйчүүдийн

  • 57 кг: Занданбудын Занабазар (Хилчин)
  • 61 кг: Нармандахын Наранхүү (Хасу-Мегастарс)
  • 65 кг: Цэвээнсүрэнгийн Цогбадрах (Алдар)
  • 70 кг: Энхтуяагийн Тэмүүлэн (Хасу-Мегастарс)
  • 74 кг: Олонбаярын Сүлдхүү (Алдар)
  • 79 кг: Алтанзулын Дөлгөөн (Хасу-Мегастарс)
  • 86 кг: Бямбасүрэнгийн Бат-Эрдэнэ (Хилчин)
  • 92 кг: Ганбаатарын Ганхуяг (МУБИС)
  • 97 кг: Өлзийсайханы Батзул (Хангарьд)
  • 125 кг: Мөнхтөрийн Лхагвагэрэл (Хилчин)

Эмэгтэйчүүдийн

  • 50 кг: Долгоржавын Отгонжаргал (Женко)
  • 53 кг: Батхуягийн Хулан (Аврагч)
  • 55 кг: Ганбаатарын Отгонжаргал (Алдар)
  • 57 кг: Эрхэмбаярын Даваачимэг (Хилчин)
  • 59 кг: Бат-Эрдэнийн Эрдэнэсувд (Женко)
  • 62 кг: Сүхээгийн Цэрэнчимэд (Алдар)
  • 65 кг: Өлзийсайханы Пүрэвсүрэн (Баянхонгор)
  • 68 кг: Энхсайханы Дэлгэрмаа (Хүч)
  • 72 кг: Энх-Амарын Даваанасан (Алдар)
  • 76 кг: Ганбатын Ариунжаргал (Алдар)
Энэ мэдээнд өгөх таны үнэлгээ
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
1 Сэтгэгдэл
Хуучин
Шинэ Шилдэг
Inline Feedbacks
View all comments
Зочин
Зочин
2022-09-09 16:04

Шигшээ баг ч юу байх вэ дээ, жуулчдын групп л юм даа, үр дүн үүнийг нотлоно доо

Холбоотой мэдээ

Back to top button