УРЛАГ

О.Энхтуул 15 жилийн дараа театрын тайзнаа "Опал" жүжгээр эргэн ирлээ

“Орфей” театр АНУ-ын зохиолч Жон Патрикийн “Everybody loves Opal” жүжгийг “Опал” нэртэйгээр аравдугаар сарын 1-нээс үзэгчдийн хүртээл болгох гэж байна.

“Broadway” театрын алдарт бүтээл болох эл жүжгийг  “Фауст”, “Гэм зэм” жүжгээр шуугиан тариад амжсан М.Батболд найруулж байна.

Жүжгийн гол дүрийг тайз, дэлгэцийн жүжигчин О.Энхтуул алс холын Герман улсаас зорин ирж бүтээж буй гэдгээрээ онцлогтой. Ийнхүү тэрбээр 15 жилийн дараа театрын тайзнаа эргэн ирж байна. Мөн энэхүү жүжигт Ц.Төмөрбаатар, Н.Онон, Д.Баттөмөр, Э.Чинзориг, Т.Ариунчимэг, Т.Сэргэлэн гэсэн нийт долоон жүжигчин дүр бүтээж буй бөгөөд тэд нэгэн тайзан дээр хоршин тоглох нь ээ. Жүжиг "Хүн театр"-т тоглогдох юм байна.

“Орфей” театр энэхүү бүтээлээрээ өнөө цагийн хүмүүс бидэнд хамгийн ихээр дутагдаад байгаа итгэл найдвар, өөдрөг үзэл, уужуу сэтгэлийг түгээж, үзсэн хүн бүхний сэтгэл зүрхийг хайраар дулаацуулахаар зорьж буй ажээ. Мөн өмнөх бүтээлүүдээс өнгө аяс агуулгын хувьд өөр, харьцангуй бага орон зайд, цөөн үзэгчдэд тоглож, үзэгчид тайз хоёрыг нэг дор оршоож, амьд театрын гайхамшгийг харуулахыг зорьж буй гэнэ.

Та бүхэн жүжгийн тасалбарыг ticket.mn сайтаас авах боломжтой юм байна. Жүжгийн тасалбар 120 мянга, 150 мянган төгрөгийн сонголттойгоор борлуулагдаж буй бөгөөд энд дарж аваарай.

Ташрамд сонирхуулахад, тус театрын хамт олон энэхүү жүжгээ аравдугаар сарын 10-нд монголд ажиллаж, амьдарч буй олон улсын үзэгчдэд зориулж, англи орчуулгатайгаар тоглохоор зэхэж буй юм байна.

Жүжгийн тухай болон зохиолчийн тухай мэдээлэл өгөх нь: “Everybody loves Opal” жүжгийн зохиол 1960 онд бичигдэж, 1961 оны аравдугаар сард Нью-Йоркийн “Longacre” театрт тоглогдсон байна. Түүнээс хойш 1963, 1967, 1993, 2017, 2018, 2019 онуудад дэлхийн театруудад тавигдаж байсан түүхтэй. Дан ганц “Everybody loves Opal” нэрээр бус “Dear Pamela” гэх нэрээр дэлхийн зарим улс оронд тавигдаж, хүн зоны сэтгэл, тархинд гэрэл түгээсэн байна. Одоо ч гэсэн гэрлээ түгээсэн хэвээр. 2022 он гарсаар хоёр ч улсад тавигдаад буй. Энэхүү зохиолоор бүтсэн кино хүртэл байдгийг дуулгая.

Эл жүжгийн зохиолч Жон Патрик амьд ахуйдаа 34 театрын зохиол, 27 кино дэлгэцийн бүтээл туурвиснаас хамгийн нэрд гарсан, нэрийн хуудас болсон жүжгийн зохиол нь “Everybody loves Opal”.

Бусад уран бүтээлчид:

  • Ерөнхий зураач: О.Баярмагнай
  • Хөгжмийн зохиолч: Д.Нямхүү
  • Хөдөлгөөний найруулагч: У.Эрдэнэбаяр
  • Хувцасны дизайнер: О.Булган
  • Ассистент найруулагч: С.Тэмүүжин
  • Туслах найруулагч: Энхтуяа

Зохион байгуулагчид:

  • Зөвлөх: Гэри Биондо
  • Гүйцэтгэх продюсер: Ж.Энхзаяа
  • Хэвлэлийн төлөөлөгч: Э.Булган

М.НАМАР

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
6 Сэтгэгдэл
Хуучин
Шинэ Шилдэг
Inline Feedbacks
View all comments
Зочин
Зочин
2022-09-08 14:18

Харахад сэтгэл сэргэмээр, хөөрхөн постер вэ???? Царайлаг хүмүүсийн цуглаан гэмээр ч юм шиг ????????

Зочин
Зочин
2022-09-08 14:19

Gorlami ????????????????????????????????

Зочин
Зочин
2022-09-08 14:19

Вов воооов вооов л даа, ямар гоё постер вээ ????????????????

Зочин
Зочин
2022-09-08 14:19

Саркастик мелодрам гэж ямар жанр вэ?

Зочин
Зочин
2022-09-08 14:20

Hun theatre gj haana bdag ve?

Зочин
Зочин
2022-09-08 14:20

Хүн театр нь Скай резорт цанын баазад байрл####тай шүү

Холбоотой мэдээ

Back to top button
6
0
Would love your thoughts, please comment.x
()
x