Өнөөдрийн /2022.11.10/ УИХ-ын нэгдсэн чуулганаар Монгол Улсын нэгдсэн төсвийн 2023 оны төсвийн хүрээний мэдэгдэл, 2024-2025 оны төсвийн төсөөллийн тухай хуульд өөрчлөлт оруулах тухай хуулийн төсөл /Засгийн газар 2022.09.29-ний өдөр өргөн мэдүүлсэн, эцсийн хэлэлцүүлэг/-ийг хийж байна.
Хэлэлцэж буй асуудалтай холбогдуулан УИХ-ын гишүүд үг хэлж, асуулт асууж байна.
Энэ үеэр УИХ-ын гишүүн Д.Ганбат УИХ-ын дарга Г.Занданшатарыг шүүмжлэв.
Тэрбээр "Өдөр бүр ард түмний амьдрал доройтож байна. Юмны үнэ өсч байна. Гэтэл найрласан хэвээрээ л байна. Мөнгөний бодлого, төсвийн бодлого уялдахгүй байна. Өнгөрсөн долоо хоногийн баасан гарагт УИХ хуралдсангүй. УИХ-ын гишүүн дарга Г.Занданшатар та сандал ширээтэйгээ зууралдахаа боль. Ард түмнийхээ амьдрал дунд ор, ард түмний амьдрал ямар байгааг хар. Энд сонирхож байгаа хүн ч алга байна шүү дээ. Эцсийн хэлэлцүүлэг гээд ороод ирж байна. Оршуулгын газар шиг л байна шүү дээ. Ажлаа хийж байгаа юм алга. Хэчнээн ч даргатай юм" хэмээн шүүмжлэв.
Харин УИХ-ын дарга Г.Занданшатар "Төсвийн ганц ч хэлэлцүүлэгт Д.Ганбат гишүүн суугаагүй. Сануулга өгч байна. Ажлын нэг ч хэсэгт оролцоогүй. О.Цогтгэрэл нарын гишүүн маш идэвхтэй оролцож байна. Ажил хэрэгч ажиллахыг танд сануулъя" гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Их хурал ч гэж дээ. Татан буулгавал таарна
Хуралд суудаггүй хүн юугаа ойлгох вэ Ганбатыг гишүүнээс нь буцаан тат
Занданшатар зайл