Гэмт хэргийн бүртгэл өмнөх оны мөн үеэс 54 хувиар өсжээ

Н. Анужин2022-11-22

7 1 минут уншина

Энэ оны эхний 10 сард нийт 31320 гэмт хэргийг бүртгэжээ. Уг үзүүлэлт нь өмнөх оны мөн үеэс 11 мянгаар буюу 54.6 хувиар өссөн үр дүн юм. Дээрх үзүүлэлтийг өсөхөд,

Өмчлөх эрхийн эсрэг гэмт хэрэг 8639 /79.6 хувь/
Хүний эрүүл мэндийн халдашгүй байдлын эсрэг гэмт хэрэг 1773 /28.8 хувь/
Хөдөлгөөний аюулгүй байдал, тээврийн хэрэгслийн ашиглалтын журмын эсрэг гэмт хэрэг 354 /47.5 хувь/
Хүний бэлгийн халдашгүй байдлын эсрэг гэмт хэрэг 171 /38.9 хувь/ тус тус өссөн нь голлон нөлөөлжээ.

Гэмт хэргийн улмаас учирсан хохирол эхний 10 сарын байдлаар 275 тэрбум төгрөг, нөхөн төлүүлсэн хохирлын хэмжээ 144.9 тэрбум төгрөгөөр болжээ. Нөхөн төлүүлсэн хохирлын хэмжээг өмнөх оны мөн үетэй харьцуулахад хохирол 133.7, нөхөн төлүүлсэн хохирол 81.1 тэрбум төгрөгөөр тус тус өссөн байна.

Харин хохирсон хүний тоо 30.9 мянга болж, өмнөх оны мөн үеэс 11.2 мянга буюу 66 хувиар өслөө. Ингэхдээ,

30-39 насныхан 3639
18-29 насныхан 2651
40-49 насныхан 2326-гаар хохирсон иргэдийн тоо нэмэгдсэн нь нөлөө үзүүлжээ.

Мөн нас барсан иргэдийн тоо 678 байгаагаас дийлэнх хэсгийг нь 30-49 насныхан эзэлж байна. Дараах хүснэгтэд нас барсан хүнийг жил бүрийн эхний 10 сарын байдлаар харууллаа.

Үзүүлэлт	2021 I-X	2022 I-X
7 хүртэлх	43	47
8-17	23	44
18-29	77	87
30-39	139	165
40-49	120	146
50-59	88	116
60-69	35	52
70 ба түүнээс дээш	12	21
Улсын дүн	537	678
Эмэгтэй	141	198

Энэ мэдээнд өгөх таны үнэлгээ

Хуваалцаарай Жиргээрэй

Таг

Н. Анужин2022-11-22

7 1 минут уншина

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.