Сурагчдад сүрьеэгийн үзлэг хийж, эерэг тохиолдлыг эмчилгээнд хамруулж байна
Нийслэлийн Ерөнхий боловсролын сургуулийн сурагчдын дунд сүрьеэгийн эрт илрүүлэг, урьдчилан сэргийлэх үзлэгийг тогтмол зохион байгуулж байна.
Тодруулбал, ЭМЯ, Глобаль сангийн дэмжлэгтэй ДОХ, сүрьеэгийн төслийн хүрээнд “Эрүүл сүрьеэгүй ирээдүйн төлөө” ТББ-аас ЕБС-ийн сурагчдын дунд сүрьеэгийн эрт илрүүлэг, ковидын дараах шинж тэмдгийг оношлох үзлэг хийснээр уушгины өөрчлөлт, нурууны муруйлт, архаг бронхит, сүрьеэгийн далд халдвар зэргийг илрүүлэхээр ажиллаж байна.
Тус ажлын хүрээнд 9-11 сард Баянзүрх, Сонгинохайрхан дүүргийн ЕБС-иудын нийт 910 багш, ажилчин, сурагчдыг хамруулснаас уушгины рентген зураг өөрчлөлттэй 30 сурагчид баталгаажуулах шинжилгээ хийлгэж, эерэг гарсан тохиолдлуудыг эмчилгээнд хамруулахаар болжээ.
Ингэхдээ хиймэл оюун ухааны технологид суурилсан зөөврийн рентген аппаратаар цээжний зураг авч, асуумж судалгаа бөглөн нарийн мэргэжлийн эмч нар үзлэг, баталгаажуулах шинжилгээ хийж, эмчилгээнд оруулсан байна.
Б.БАЯРТ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Zuv
Гол нь эцэг эхээс нь зөшөөрөл бичгээр авах ! Насанд хүрээгүй тул.