Улсын Их Хурлын чуулганы нэгдсэн хуралдаан эхэллээ. Чуулганаар Газрын тосны бүтээгдэхүүний тухай хуулийн анхны хэлэлцүүлгийг хийлээ. Өнөөдрийн чуулганы хуралдааны ирц 52.6 хувьтай буюу нийт 40 гишүүн оролцож байгаа юм.
Газрын тосны бүтээгдэхүүний тухай хуулийн анхны хэлэлцүүлгийг явуулж, эцсийн хэлэлцүүлэгт бэлтгүүлэхээр Эдийн засгийн байнгын хороонд шилжүүллээ.
Энэхүү хууль батлагдсанаар агаарын тээврийн үнэ тариф, шатахуун нефтийн үнэ хямдарна гэх хүлээлттэй байгаа ажээ.
Үргэлжлүүлэн Стандартчилал, техникийн зохицуулалт, тохирлын үнэлгээний итгэмжлэлийн тухай хуулийг хэлэлцэж байна.
Зөвшөөрлийн тухай хуульд заасан 108 тусгай, долоон энгийн зөвшөөрөлтэй холбоотой стандартыг тусгайлан баталж, зөвшөөрөл эзэмшигч түүнийг заавал дагаж мөрдөх талаар хуульд оруулсан. Мөн зөвшөөрөл олгох, сунгахтай холбоотой улсын тэмдэгтийн хураамжийг урьдчилан төлсөн байхыг шаардаж, зөвшөөрөл олгоогүй бол хураажийг буцаан олгодоггүй зэрэг байдлыг өөрчилж, зохицуулахыг хуульд тусгасан байна.
Энэхүү хуулийг анх 2019 онд өргөн барьж байжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.