"Тусгаар тогтнол" олон улсын математикийн IV уралдааны нээлт өнөөдөр боллоо. Тус уралдааныг үндэсний болон олон улсын гэх хоёр үе шаттайгаар зохион байгуулж байгаа ажээ.
Математикийн уралдааны үндэсний ангилалд 13 аймаг, зургаан дүүргээс нийт 2306 хүүхэд оролцох юм байна. Нийт 260 сурагчид алт, мөнгө, хүрэл медаль болон тусгай байрын шагналыг гардуулжээ.
Тус олимпиадад 103 хүүхэд эх орноо төлөөлөн өрсөлдөхөөс гадна ОХУ-ын Эрхүүгийн их сургуулийн дэргэдэх математикийн лицей сургуулиас 10 сурагч, Казахстан улсын Ерөнхийлөгчийн ивээл дэх математикийн сургуулиас найман сурагч оролцохоор ирсэн аж.
Цар тахлын хөл хориог улс орнууд цуцалсан тул энэ жил цахимаар зохион байгуулаагүй ажээ.
Япон улс оролцохоо мэдэгдэж байсан хэдий ч тус улсын хөл хорионы улмаас оролцох боломжгүй болсон байна. Мөн Ираны баг тодорхойгүй шалтгааны улмаас ирээгүй ажээ.
Олон улсын энэхүү олимпиад нь амралтын өдрүүдэд болж, даваа гарагт дүнгээ танилцуулна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.