Баярын бялууны үнэ өнгөрсөн жилийнхээс өсөж, зарим газрын захиалга 18-ныг хүртэл дүүрчээ

Шинэ жил болоход 17 хоног үлджээ. Энэ үеэр бялууны эрэлт өсөж, томоохон худалдаа үйлдвэрлэгчид захиалгын хөлд дарагддаг. Баярын бялууны үнэ өнгөрсөн жилийнхээс өссөн эсэх, бялуу үйлдвэрлэгчдийн захиалга нь хэдний өдрийг хүртэл дүүрсэн байгааг бэлтгэн хүргэж байна.

Баярын бялууны үнэ өнгөрсөн жилийнхээс өсжээ

Бидний холбогдсон дөрвөн бялуу үйлдвэрлэгчийн гурвынх нь захиалгаар гарах баярын бялууныхаа үнэ өнгөрсөн оныхоос өссөн байна. Харин нэг бялуу үйлдвэрлэгчийн үнэ өнгөрсөн жилийнхээсээ буурчээ.

Захиалгын бялуунаас гадна салбар дэлгүүрүүдэд өдөр тутам борлуулагдаж буй бялууны үнэ өөр байлаа. Харин “Милая” сүлжээгийн захиалгын бялууны үнэ, өдөр тутам зарагдаж буй бялууны үнэ адил байна.

Салбар дэлгүүрт өдөр бүр зарагдаж буй бялууны үнэ:

• "Tous les jours" 41,900-69,900 төгрөг
• “Батбайгаль бейкери” 24,900-33,900 төгрөг
• “Жүр үр бейкери” 23,000-49,000 төгрөг

Зарим үйлдвэрлэгчийн захиалга 18-ныг хүртэл дүүрчээ

Дээрх дөрвөн бялуу үйлдвэрлэгчийн баярын бялууны захиалгыг тодрууллаа.

Ингэхэд: “Жүр үр бейкери" болон “Батбайгаль бейкери”-н захиалга 18-ны үдээс хойш хүртэл дүүрсэн байна. Харин “Милая” сүлжээгээс баярын бялуу авах бол захиалгаа 2-3 хоногийн өмнө өгөхөд л болно гэлээ. "Tous les jours"-ийн тухайд 29, 30, 31-ний өдөр авах баярын бялууны захиалга л авч байгаа гэв.

Энэ мэдээнд өгөх таны үнэлгээ

Хуваалцаарай Жиргээрэй