54-р тогтоол: Оноос өмнө ҮХНӨ-ийн төсөл өргөн барих үүргийг ЗГ наймдугаар сард ХҮЛЭЭЖЭЭ

Төв талбайд үргэлжилж буй жагсаалын хоёр дахь өдрийн маргааш Ерөнхий сайд Л.Оюун-Эрдэнэ мэдээлэл хийсэн. Үүгээрээ "Үндсэн ужиг асуудал бол сонгуулийн тогтолцоо. Иймд алгуурлалгүй, Үндсэн хуульд нэмэлт өөрчлдөлт оруулж, тогтолцоог өөрчилье" хэмээсэн юм.

Дараа нь МАН-ын бүлгийн дарга түүний энэ байр суурийг олонхын саналаар дэмжсэн талаар мэдээлж, Засгийн газар ҮХНӨ-ийн төслөө шинэ оноос өмнө өргөн барих нь зөв гэсэн.

Өөрөөр хэлбэл, оноос өмнө Засгийн газар Үндсэн хуульд нэмэлт өөрчлөлт оруулах тухай хуулийн төслийг өргөн барихаар байгаа.

Харин үүнийг УИХ-ын 54-р тогтоолын хэрэгжилтийг хангах хүрээнд хийнэ гэж эрх баригчид тайлбарлаж буй юм. Тэгвэл, УИХ-ын 54-р тогтоол гэж юу вэ.

54-р тогтоолыг 2022.08.29-нд хэлэлцэн баталсан. Үүний өмнө Үндсэн хуулийн цэцээс 01 ба 02 дугаар тогтоол аргасан байдаг. Уг дүгнэлтүүд нь Үндсэн хуулийн нэмэлт өөрчлөлт рүү хөтөлдөг.

01 дүгээр тогтоол нь: Сонгуулийн тухай хуульд холбогдох өмнөх дүгнэлтийг хүчингүй болгож, өнөөгийн сонгуулийн тогтолцоо нь Үндсэн хуультай зөрчилдөж байна гэж дүгнэсэн.

Харин 02 дугаар тогтоол нь: "Давхар дээл"-тэй сайд нарын тоог нэмэх агуулга рүү хөтөлсөн юм.

Улмаар 54-р тогтоол нь дээрх хоёр тогтоолын хэрэгжилтийг хангах үүргийг Засгийн газарт даалгасан. Өөрөөр хэлбэл:

• УИХ-ын гишүүний тоог шинэчлэн тогтоох
• Сонгуулийн дэвшилтэт тогтолцооны зарчмыг судлан ҮХНӨ оруулах төслийг боловсруулж, 2022.12.31-нээс ӨМНӨ УИХ-Д ӨРГӨН БАРИХ үүргийг Ерөнхий сайд Л.Оюун-Эрдэнэд даалгасан юм.

Тиймээс эл тогтоолыг хэрэгжүүлэх хүрээнд оноос өмнө Үндсэн хуулийн нэмэлт өөрчлөлтийн төслийг өргөн барих нь нэгэнт тодорхой хэрэг.

Энэ мэдээнд өгөх таны үнэлгээ

Хуваалцаарай Жиргээрэй