НийгмийнЯрилцлага

Г.Санчирхүү: Залуу хүн алдана, сайн талыг нь эхлээд харчих

Цахим орчинд зураач Г.Санчирхүүгийн зурсан зургууд олны сайшаалыг хүртэж байгаа билээ. Сайшаалын зэрэгцээ бас зураг хэвлэж буддаг гэх шүүмжлэлд ч өртөөд буй.

-Хэзээнээс зураг зурж эхэлсэн бэ. Таны үндсэн мэргэжил үү?

-Би зураг зураад 6-7 жил болж байна. Мэргэжил бол ландшафт архитектур юм. Хүмүүсийн хөргийг сонирхлоороо зурдаг.

-Ямар нэгэн газар харьяалагддаг уу?

-Би хувиараа зурдаг. Чөлөөт уран бүтээлч.

-Таны зурсан хөргүүд олны анхаарлыг татаж байна. Хөрөг зураг л зурдаг уу?

-Бүтээлүүдийн маань дийлэнх нь хөрөг зураг. Бас морь зурдаг. Заримдаа хүмүүсийн хүсэлтээр зурна. Янз бүрийн амьтан, бүр том машин зуруулдаг хүмүүс ч бий.

-Зарим мэргэжлийн уран бүтээлчид таныг үгүйсгэж байна. Тухайлбал, зураг хэвлэснийхээ дараа давхарлаж будаж байна гэх мэтээр?

-Би эхлээд хар зургаа тосон балаар зурдаг. Дараа нь зөөлөн харандаан будгаар өнгө өгч, уусгаж зурдаг юм. Энэ миний зурах техник.

-Бусдын зурсан зургийг өөрийнх мэтээр цахим хуудастаа постолсон гэх мэдээлэл ч цахим орчинд гараад байна. Та үүнд тайлбар өгөхгүй юү?

-Би залуу хүн. Заримдаа алдаа гаргана. Тиймээс миний сайн талыг эхлээд хараарай. Би хүнд сэтгэлээсээ зураг зурж өгдөг. Зургаа зуруулж авсан хүмүүс мэдэж байгаа.

-Нэг хөрөг зурахад хэр их хугацаа зарцуулдаг вэ?

-Нэг хүний хөргийг зурахад 3-4 өдрийг зарцуулдаг. Түүнээс бага хугацаанд зурж өгсөн ч чадна.

-Цаашдын зорилгоосоо хуваалцаж болох уу?

-Миний дуртай зүйл бол зураг зурах. Тиймээс би зурсаар л байх болно. Надад том мөрөөдөл бий. Өөрийн хүссэн хэмжээнд хүрэхэд одоо байгаагаас илүү их хичээх хэрэгтэй. Илүү сайн зурдаг болно.

-Ярилцсанд баярлалаа

Энэ мэдээнд өгөх таны үнэлгээ
Like
Love
Haha
Wow
Sad
Angry

Н. Анужин

МУИС-ийн Сэтгүүл зүй, олон нийтийн харилцааны тэнхмийг 2021 онд сэтгүүлч мэргэжлээр төгссөн. "Uguumur media" агентлагийн харьяа myuvs.mn сайт, "Увс нам бус телевиз"-д ажиллаж байсан. "Өглөөний сонин"-д Нийгэм, соёл, эдийн засгийн албаны сэтгүүлчээр ажиллаж байсан.

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
3 Сэтгэгдэл
Хуучин
Шинэ Шилдэг
Inline Feedbacks
View all comments
Zochin
Zochin
2023-03-01 18:50

Davharlaj zurhiig ch bas amargui hun bur chadahgui

Зочин
Зочин
2023-03-02 20:21
Reply to  Zochin

z##l

Зочин
Зочин
2023-03-09 19:36

shatsn sdve

Холбоотой мэдээ

Back to top button