Л.Оюун-Эрдэнийн "шувуу" ажиллагааны овоо хараанд өртсөн дөрөв

Хоёрдугаар сарын эхээр Ерөнхий сайд авлига, албан тушаалын хэрэгт сэжигтэн, яллагдагчаар шалгуулж байгаад оргон зайлагсдийг олон улсын гэрээ, конвенцийн дагуу эх оронд нь авч ирж, зохих хариуцлага, ял шийтгэлийг нь хүлээлгэхийг даалгасан.

Мөн өнгөрөгч долоо хоногт телевизийн ярилцлагад орохдоо авлигатай тэмцэх "5Ш" арга хэмжээ "шувуу" ажиллагаагаанаас ирэх долоо хоногт хэрэгжиж эхэлнэ гэсэн билээ.

Тэгвэл түүний зарласнаар өнөөдрөөс "шувуу" ажиллагааны цаг явж эхэллээ.

Шувуу ажиллагаагаар шүүрүүлж ирэх хүмүүс бол Ч.Сайханбилэг, Т.Бадамжунай, Н.Удаанжаргал, Ж.Мөнхбат нар юм.

Ч.Сайханбилэгийн хувьд: Дубайн гэрээ, Эрдэнэтийн 49 дээр буруутмагц хил даваад явчихсан. Түүний нөхөд шүүхээр орж ял сонсдогоо сонсоод гарчихсан. Харин Ч.Сайханчилэгийн хэргийг тусгаарласан тухай ХЗДХ-ийн сайд Х.Нямбаатар ярьж байв. Тэгэхээр түүнийг яллагдагчаар татсан, отсон хэвээрээ буй.

Т.Бадамжунайн хувьд: Улс төрд хотын менежер гэдгээр анх танигдсан тэрбээр монголоос явсан нь одоо хүртэл сонин. Тэрбээр Замын-Үүдээр "УАЗ-469" машинаар гараад явснаас хойш өдгөө бараг таван жилийн нүүрийг үзээ байна. Хил давахаасаа өмнө "Twin tower" дахь оффистоо авлига авч байгаад баригдсан гэх бүрэг бараг яриа байдаг. Өдгөө түүнийг яллагдагчаар татсан тодорхой хэрэг байхгүй тухай хуулийн байгууллагынхан хэлдэг.

Ч.Удаанжаргалын хувьд: “Тавантолгой төмөр зам” компанийн гүйцэтгэх захирал асан "Эрдэнэс Тавантолгой”-д онцгой дэглэм тогтоож, нүүрсний хэргийг шалгаж эхлэх сургаар хил давж одсон. БНСУ-д эрүүл мэндийн шалтгаанаар эмчлүүлж байгаа гэгдэж байсан ч, АНУ руу гарсан сураг бий. Түүнийг нүүрсний хулгайн хэрэгт яллагдагчаар татаад байгаа юм.

Ж.Мөнхбатын хувьд: Түүний хувьд яллагдагчаар татагдаж, хил давсан хүмүүсийн хамгийн отгон нь. Нүүрсний хулгайн хэрэгт нэр холбогдсон даруйдаа УИХ-ын гишүүний бүрэн эрхээсээ татгалзаж шалгуулахаар шийдсэн хүний нэг нь. Тэрбээр намрын чуулган завсарлуут хүсэлтээ өгөөд, ээжийгээ эмчлүүлэхээр БНСУ руу гарчихсан.

Л.Оюун-Эрдэнэ Ерөнхий сайдын "шувуу" ажиллагааны овоо хараанд өртсөн дөрвийн гурав нь яллагдагчаар татагдаж, шалгагдаж байгаа. Харин нэг нь монголоос оргон зайлаад удаж буй. "Шувуу" ажиллагаагаар тэднийг хэрхэн авлах вэ, ялангуяа хүний эрхийг дээд зэргээр эрхэмлэдэг, улстөрийн хилс хэрэгтэн болохоос хамгаалдаг АНУ-аас авч ирж чадах уу гэдэг асуултууд байна.

Ямартай ч "шувуу” ажиллагааг хэрэгжүүлэхийн тулд албан тушаалтнуудын дипломат болон энгийн паспортыг нь хүчингүй болгох, авлигын эсрэг конвенцид нэгдсэн гишүүн орнуудаар дамжуулан, нэр бүхий хүмүүсийг шилжүүлэх төлөвлөгөөтэй ажиллаж байна гэдгээ Хууль зүй, дотоод хэргийн сайд тодотгосон билээ.

Энэ мэдээнд өгөх таны үнэлгээ

Хуваалцаарай Жиргээрэй