Австралийн Хөрөнгийн биржид бүртгэлтэй "TMK Energy" компани "Гурвантэс XXXV" метан хийн төслийн туршилтын өрөмдлөгөө эхлүүлэхээр төлөвлөсөн байна.
Энэ талаар "Intellinews"-т мэдээлжээ. Тус мэдээлэлд өрөмдлөгийн хөтөлбөрт дунджаар 3.5 сая ам.долларыг зарцуулна гэсэн байна.
Мөн уг компаниас ирэх сард буюу дөрөвдүгээр сарын эхээр хийн чанар болон хэмжээг тооцоолох гурван цооног өрөмдөхөөр төлөвлөсөн гэдгээ мэдэгдсэн юм. Хэрэв цооногуудыг өрөмдвөл найман долоо хоногт багтаан дуусгана хэмээн тооцоолоод буй.
"TMK Energy" компани уг төслөө Канадад төвтэй "Major Drilling Group"-тэй хамтран хэрэгжүүлж байгаа юм. Өрөмдлөгийн зардлын 3.5 сая ам.долларыг "TMK Energy" гаргах бол "Talon Energy" компаниас 3.1 сая ам.долларыг санхүүжүүлнэ гэдгээ мэдэгдэв.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.