Цахим хөгжил, харилцаа холбооны сайд Н.Учрал Эрүүл мэндийн даатгалын ерөнхий газар өнгөрсөн 2 сард ажиллаж, 13А маягтыг цахимаар олгодог болохоор ажиллаж байгаа талаар мэдээлэл өгч байсан.
Өнөөдөр /2023.03.16/ Н.Учрал тухайн ажлын явцын талаар мэдээлэл өглөө.
Тэрбээр "Өнгөрсөн хугацаанд ЭМДЕГ, гааль, татварын санхүүгийн мэдээллийн технологийн төвтэй хамтран өмнө нь хэрэгжүүлж байсан дата бааз дээр суурилаад 13А маягтыг бүрэн цахимжуулах ажлыг манай яам хийж дуусгасан. Хэрэгжүүлэхэд бэлэн. ЭМ-ийн сайд одоо тушаалдаа өөрчлөлт оруулах ёстой. Хувийн болон төрийн мэдлийн эмнэлгүүд системд холбогдох нь технологийн хувьд нээлттэй болсон. Энэ асуудлыг сайдад тавьсан.
Цахим эрүүл мэнд төсөлтэй холбогдуулан эрүүл мэндийн салбарын цахимжилтыг шийдэх ажлын хэсэг байгуулагдсан. Дэлхийн банкны санхүүжилт зогссонтой холбогдуулаад хувийн хэвшилтэй хамтарч ажиллана" гэлээ.
Б.БАЯРТ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хулгайч шинэ цагийн хурган коммунист
Чинзориг сайд үүнийг ойлгох юм болуу даа ?