УЛС ТӨРУлс төрийн мэдээ

Г.Занданшатар: Цалин нэмж, нийгмийн асуудлыг шийдвэрлэснээр төрийн жинхэнэ алба хаагч бий болно

Монгол Улсын Их Хурлын дарга Г.Занданшатар Үндсэн хуулийн өөрчлөлтийн төсөл болон Төрийн албаны шинэчлэлийн талаар нийслэлийн нутгийн захиргааны байгууллагын төрийн албан хаагч нартай уулзалт хийжээ.

Уулзалтаар,

  • ҮХНӨ хийх шаардлага
  • Төлөөллийн ардчиллыг сайжруулах
  • Иргэдийн оролцоог хангах
  • Төрийн алба хаагчдын цалинг нэмэгдүүлэх
  • Төвлөрлийг сааруулах цалингийн бодлого
  • Төрийн албаны шинэчлэлийн талаар ярилцсан байна.

Албан мэдээллийг доор дэлгэрэнгүй хүргэе

Уулзалтад Нийслэлийн ИТХ-ын дарга Ж.Батбаясгалан, Нийслэлийн Засаг дарга бөгөөд Улаанбаатар хотын захирагч Д.Сумъяабазар, Нийслэл дүүргийн ИТХ-ын төлөөлөгч, Засаг дарга нар, хороон дарга, албан хаагчид оролцлоо. УИХ-ын дарга эхлээд Үндсэн хуульд өөрчлөлт хийх шаардлагын талаар танилцуулав. Парламент хүчтэй байх шалгуур нь төлөөллийн ардчиллыг хэрэгжүүлж байгаа чадвартай, удаад нь нээлттэй, ил тод байдлыг хангасан, гуравдугаарт иргэдийн оролцоо буюу хүртээмжтэй байдлыг хангасан байх гэдгийг ярианыхаа эхэнд онцоллоо. Харин ардчилсан парламентын төлөөлөх чадамж нь хүн амын төлөөлөл, тойрог буюу нутаг дэсгэрийн төлөөлөл, эцэст нь нийгмийн анги давхаргын төлөөллөөс хамаардаг гэв.  Өөрөөр хэлбэл эмэгтэйчүүд, малчид, бизнес эрхлэгчид, хөгжлийн бэрхшээлтэй иргэд....зэрэг анги давхаргын төлөөлөл парламентад хангагдах ёстой гэсэн юм. Энэ шалгуурыг хангах буюу жинхэнэ төлөөллийн ардчиллыг хэрэгжүүлж, ард түмний хүсэл зоригийг илэрхийлэх бодлого тодорхойлж, хууль тогтоомж батлахын тулд парламентын гишүүдийн тоог нэмэх асуудлыг хөндөж байгаа гэлээ.

Монгол Улс 1992 онд парламент 123, 108, 134, 152 гишүүнтэй байх олон хувилбар яригдаж байсныг Улсын Их Хурлын дарга дурдсан. Тухайн үед хүн амын тоо 2.2 сая, үүнээс 1.1 сая нь сонгуулийн насны иргэд байсан бол өнөөдөр 3.4 сая иргэний 2.2 сая нь сонгуулийн насныхан байна. Хоёр дахин өссөн, ийм үндэслэлээр төлөөллийн зарчмыг хангах шаардлагаар парламентын бүрэлдэхүүнийг хоёр дахин өргөжүүлэх шаардлага үүсээд байна гэж үзсэн аж. Нийслэлийн хувьд, тэр дундаа хороодын өмнө тулгамдсан асуудал нь баг хорооны үйл ажиллагааны зардлыг харьяалах сум, дүүрэг баталдаг хуультай. Тодруулбал, бие даасан төсөвгүй. Төвлөрлийг сааруулж, түгжрэлийг бууруулна гэдэг эцэстээ хороон дарга асуудал шийдэх эрх мэдэлтэй байж биелнэ. Тиймээс хотын төвд бүх асуудал шийдэгддэг төвлөрлийг задлах шаардлага бий болсныг ч тодотгов.

УИХ-ын дарга Г.Занданшатар мөн Төрийн албаны шинэчлэлийн талаарх мэдээллийг өглөө. Үндсэн хуульд оруулах өөрчлөлтийн төслийг хэлэлцэн, шийдвэрлэсний дараа Улсын Их Хурал төрийн албан хаагчдын цалин хөлсийг нэмэгдүүлэх асуудлыг хэлэлцэхээр төлөвлөсөн байна. Орон нутаг тэр дундаа хороонд ажиллах хүн олдохгүй байна. Төвлөрлийг сааруулах бодлогыг хэрэгжүүлэхдээ цалингийн бодлогоор дэмжих аж. Тэр тусмаа Монгол Улсын нийт хүн амын талаас илүү хувь нь Улаанбаатар хотод амьдарч байгаа өнөөгийн нөхцөлд нийслэлийн иргэдэд хүргэх үйлчилгээг чирэгдэлгүй, шуурхай хуваарилах шаардлага бий. Тиймээс нутгийн захиргааны байгууллагын ажлын ачаалал, чиг үүргийг жигд хуваарилах хүрээнд Төрийн албаны шинэчлэлийг хийж буй гэв.  Тэрбээр “Анхан шатанд ажиллаж буй төрийн албан хаагчийн цалин хөлс, нийгмийн баталгааны асуудлыг шийдэж байж ёс зүйтэй, сахилга баттай, хариуцлагатай албан хаагч бий болно. Энэ нь Монгол төрийн нэр хүндийг өргөнө” гэлээ.

Энэ мэдээнд өгөх таны үнэлгээ
Like
Love
Haha
Wow
Sad
Angry

Н. Анужин

МУИС-ийн Сэтгүүл зүй, олон нийтийн харилцааны тэнхмийг 2021 онд сэтгүүлч мэргэжлээр төгссөн. "Uguumur media" агентлагийн харьяа myuvs.mn сайт, "Увс нам бус телевиз"-д ажиллаж байсан. "Өглөөний сонин"-д Нийгэм, соёл, эдийн засгийн албаны сэтгүүлчээр ажиллаж байсан.

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
3 Сэтгэгдэл
Хуучин
Шинэ Шилдэг
Inline Feedbacks
View all comments
Иргэн
Иргэн
2023-05-11 12:09

Мэдсээр байж хийгээгүй хүн , үүрэг эрх мэдэлтэй хүн ялтай баймаар... эсвэл худлаа яригч...

Zochin
Zochin
2023-05-11 13:27

Үнийн өсөлт,ядуур�##� дээд цэгтээ тулаад ядуураад байхад иргэдтэй уулзахгүй хэрнээ, гишүүдийн тоог нэмэх болохоороо уулздаг гэнэ, төрөө аваад явж сурдаггүй улсууд шүү, хулгайчуудаар удирдуулах хүсэлгүй байна

Иргэн
Иргэн
2023-05-11 17:47

онцгой байдлын аврагч г�##� сөнөөгчийн хагас сарын ц�##�ин 350к авч бн даа

Холбоотой мэдээ

Back to top button