УЛС ТӨРУлс төрийн мэдээ
Шивээ энержи, Газрын ховор элемент төслийн нэгжүүдийг татан буулгахаар болжээ
Өнөөдрийн /2023.05.17/ Засгийн хуралдаанаар “Эрдэнэс Монгол” ХХК-ийн дэргэдэх Шивээ энержи, Газрын ховор элемент төслийн нэгжүүдийг татан буулгахаар шийдвэрлэжээ.
Шивээ энержи төслийн нэгжийг Шивээ-Овоогийн хүрэн нүүрсний ордыг түшиглэн өндөр хүчин чадалтай цахилгаан станц барьж, БНХАУ-ын хойд бүс нутгийн хэрэглэгчдэд эрчим хүч борлуулах зорилготойгоор байгуулж байв.
“Эрдэнэс Монгол” компанийн Гүйцэтгэх захирал С.Наранцогт энэ талаар "Олон жил зээл, өр авлагаар санхүүжиж ирсэн" хэмээн тодотгосон байна. Мөн "Цаашид Засгийн газраас компанийн бүтцэд ажиллах охин компани, төслийн нэгж байгуулахтай холбоотой өөр шийдвэр гарахгүй" хэмээсэн аж.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.