Ж.Бат-Эрдэнэ: Бид асууж, хариулаад л өнгөрнө. Бодитоор үнийн өсөлтийг хэрхэх юм бэ
УИХ-ын чуулганы хуралдаан үргэлжилж байна.
Хуралдаанаар,
- Монгол Улсын нэгдсэн төсвийн 2024 оны төсвийн хүрээний мэдэгдэл, 2025-2026 оны төсвийн төсөөллийн тухай хуулийн төсөл /Засгийн газар 2023.04.28-ны өдөр өргөн мэдүүлсэн, хэлэлцэх эсэх/
- “Монгол Улсын хөгжлийн 2024 оны төлөвлөгөө батлах тухай” Улсын Их Хурлын тогтоолын төсөл /Засгийн газар 2023.04.28-ны өдөр өргөн мэдүүлсэн, хэлэлцэх эсэх/ асуудлыг хэлэлцэхээр байна.
УИХ-ын гишүүн Ж.Бат-Эрдэнэ "Жил бүр л төсвийн хүрээний мэдэгдлийг хэлэлцдэг. Хэлж, шүүмжилдэг ч нэг их өөрчлөлтгүй батлагдаж байдаг. Орлого нэмэгдэж байгаа нь үнэн. Дагаад зарлага ч нэмэгдэж буй. Энэ инфляц, үнийн өсөлтийн асуудлыг шийдэж чадахгүй нь. Дагаад хууль оруулж ирэх юм уу. Тэгэхгүй бол шийдэхгүй нь. Бид асуудгаа асуугаад, Сангийн сайд хамгаалдгаараа хамгаалаад л гарна. Бид ярилцаад л өнгөрнө. Гэтэл үнийн өсөлттэй холбоотой ямар нэг гарц, шийдэл хэрэгтэй байна шүү дээ" гэлээ.
Асуултад Сангийн сайд Б.Жавхлан "Ямар нэг үнэ тогтворжуулах ч юм уу, хөнгөлөлт чөлөөлөлт хийх задаргаа салбар яам нь төлөвлөж амжаагүй байна. 100 хувь хүч хэрэглэж, ЗГ үнэ тогтоох бас боломжгүй" гэж хариуллаа.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.