УИХ-ын өнөөдөр /2023.05.18/-ийн чуулган үргэлжилж байна. Хүүхдийн мөнгийг хүүхэд бүрд олгохоор болсонтой холбоотойгоор УИХ-ын гишүүн Ц.Туваан "Хүүхдийн мөнгийг эргүүлж бүгдэд нь олгохоор болсон юм байна. Тэгэхээр өнгөрсөн хугацаанд авч чадаагүй хүүхдүүдэд нөхөн олгох уу" хэмээн асуув.
Түүний хариултад Сангийн сайд Б.Жавхлан "Бидэнд боломж байгаа бол эргэж харах болно. Одоогоор цаашид хэрхэх талаараа нэн тэргүүнд хэлэлцэнэ. Савны хэмжээнд эхний ээлжинд шийднэ. Энэ асуудлыг тогтворжуулах хэрэгтэй" гэсэн юм.
Нэг талаараа төсвийг хэмнэх зориулалттайгаар нийт хүүхдийн есөн хувийг хүүхдийн мөнгөнөөс хассан билээ. Тэгвэл төсвийн тодотгол хийхтэй зэрэгцээд хүүхэд бүрд хүүхдийн мөнгийг олгох төлөвтэй.
Түүний хэлснээр ирээдүйг харж, хүүхдийн мөнгөний шийдвэрийг тогтворжуулна хэмээж буй. Тиймээс ч өнгөрсөн хугацаанд хүүхдийн мөнгө аваагүй бол нөхөж олгохгүй ажээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
хаха үнэхээр луйварчин ЗГ шүү