Х.Нямбаатар: "Шувуу" ажиллагаагаар 12 хүнийг авч ирж, 22 этгээдийг эрэн сурвалжилж байна

Хууль зүй, дотоод хэргийн сайд Х.Нямбаатар "шувуу" ажиллагааны хүрээнд мэдээлэл хийлээ.

Тэрбээр мэдээллийнхнээ эхэнд "шувуу" ажиллагааны мөрдөн шалгалтын талаар дурдсан юм. Анх авлига албан тушаалын хэрэгт шалгуулж байхдаа болон бусад нөхцөлд оргон зайлсан 92 хүнийг нэрлэсэн билээ. Улмаар 127 хүнийг нэрлэж, өсгөсөн юм.

Х.Нямбаатар "Өнөөдрийн байдлаар интерполын улаан булант зар мэдээгээр 22, хөх булант 70 хүнийг эрэн сурвалжилж байна. Зургаадугаар сарын 5-ны өдрийн байдлаар улаан булант зар мэдээгээр гурав, хөх булантаар 42, нийт 45 хүнийг олж тогтоолоо.

Үүнээс мөрдөн шалгах чиг үүргийн байгууллагаар олж тогтоон авч ирсэн таван хүн бий. Сайн дураар мэдүүлэг өгөхөөр 12 хүн ирсэн. нэмэлтээр 10 орчим хүнийг авч ирэхээр бэлдэж байна. Дөрвөн этгээдэд холбогдох эрүүгийн хэргийг шүүхэд шилжүүлж, дөрвийг нь шүүхээр шийдвэрлүүлсэн. Интерполоор эрэн сурвалжилж байсан хүмүүсийн 47-гийнх нь 25-ийн байршлыг илрүүллээ" хэмээсэн юм.

Үүнээс,

• Казахстан - гурав
• Турк - дөрөв
• Солонгос - зургаа
• АНУ - нэг
• Австрали - нэг
• Франц - нэг
• Испани - нэг
• Беларусь - нэг
• Хонконг - хоёр
• Япон - нэг
• Швейцар - нэг
• Швед - нэг
• Малайз - нэг
• Киргиз - нэг иргэн тус бүр байна.

Дээрх 25 этгээдийн гадаад паспортын бүртгэлийг улсын бүртгэлийн мэдээллийн санд хүчингүй болгожээ. Үүнээс нийт 12 иргэнийг шилжүүлэн авч ирэх, оршин суугаа улс, хаяг нь тодорхой болсон 13 этгээдийг тухайн улстай албан бичгийн хүрээнд хамтран ажиллаж, авч ирэх ажээ. Мөн байршил нь тогтоогдоогүй 22 этгээдийг эрэн хайсаар байх болно гэв.

Энэ мэдээнд өгөх таны үнэлгээ

Хуваалцаарай Жиргээрэй