Хууль: Өвөлжөө, хаваржааны газар эзэмшүүлж, жимс ногоо тариулна

Маргаашийн /2023.06.27/ УИХ-ын чуулганы нэгдсэн хуралдаанаар Газрын тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн Д.Тогтохсүрэн нарын 20 гишүүн 2023.06.20-ны өдөр өргөн мэдүүлсэн, хэлэлцэх эсэх/-ийг хэлэлцэнэ.

Энэ хуулийн төсөлд ямар өөрчлөлт орж байгааг харьцуулан хүргэе.

Хуульд: 29.1.Иргэнд гэр бүлийнх нь хамтын хэрэгцээнд зориулан хувийн гэр, орон сууцны хашаа барих зориулалтаар үнэ төлбөргүй эзэмшүүлэх газрын хэмжээ 0,07 га-гаас илүүгүй байна.

Нэмэлт өөрчлөлтөд: 29.1. Иргэнд гэр бүлийнх нь хамтын хэрэгцээнд зориулан нэг удаа үнэ төлбөргүй эзэмшүүлэх газрын хэмжээ хувийн гэр, орон сууцны зориулалтаар 0,07 га, өвөлжөө, хаваржааны зориулалтаар 1,5 га-аас тус тус илүүгүй байна.

Эл заалтаар иргэд гэр орон сууцны зориулалтаар зөвхөн 0,7 га газар л эзэмших эрхтэй байв. Тэгвэл нэмэлт өөрчлөлөөр өвөлжөө, хаваржааны зориулалтаар 1,5 га газар нэмж эзэмшиж болохоор болжээ.

Хуульд: 52.7.Өвөлжөө, хаваржааны доорхи газрыг Монгол Улсын иргэн хот айлаар дундаа хамтран эзэмшиж болно.

Нэмэлт өөрчлөлтөөр: 52.7. Өвөлжөө, хаваржааны доорхи газрыг Монгол Улсын иргэн гэр бүлийн хамтын хэрэгцээнд дундаа эзэмшиж болно.

Эл заалтаар өвөлжөө хаваржааг хот айл дундаа эзэмшдэг байсныг нэг гэр бүлийнхэн эзэмшүүлэхээр болгож өөрчлөх аж.

Хуульд: 29.4.Иргэнд энэ хуулийн 29.1, 29.2, 29.3-т заасан хэмжээнд багтаан эзэмшүүлэх газрын дээд хэмжээ, байршлыг хүн амын нягтрал, газрын нөөцийг харгалзан тухайн сум, дүүргийн иргэдийн Төлөөлөгчдийн Хурал тогтоож болно.

Нэмэлт өөрчлөлтөд: 29.4. Энэ хуулийн 52.7 заасан өвөлжөө, хаваржааны зориулалтаар газар эзэмшиж буй иргэн эзэмшлийн газартаа гэр бүлийн хэрэгцээнд зориулж төмс, хүнсний ногоо, жимс, жимсгэнэ, таримал ургамал тариалж болно.

Дээрх 52.7-д заасан заалтаар гэр бүл эзэмшсэн өвөлжөө, хаваржааны газартаа төмс, хүнсний ногоо, жимс, жимсгэнэ, ургамал зэргийг тарьж болохоор хуульчилж өөрчлөх аж.

Сэтгэгдлээ илэрхийл

Share Tweet