Сэлэнгэ аймгийн Мандал сумын Ширхэнцэг багийн нутаг аймгийн төвөөс зүүн урд зүгт 215 км, ангийн байрлалаас төвөөс зүүн урд зүгт 7 км-т орших Хараа амралт хэмээх газарт Хараа голын усанд ачааны автомашин суусан гэсэн дуудлага Онцгой байдлын газарт долоодугаар сарын 27-ны 21:50 цагт ирсан байна.
Тус аймгийн Онцгой байдлын газрын Мандал сум дахь Гал түймэр унтраах, аврах 19 дүгээр ангийн алба хаагчдыг очиход 25 настай эрэгтэй М, 19 настай эрэгтэй Х нар Хараа голд “Зил-131” загварын ачааны автомашинтай голын усанд боогдсон байв.
Аврагчид 52 минут ажиллаж завиар хоёр иргэнийг аюулгүй газарт гаргасан хэмээн ОБЕГ-аас мэдээлэв.
Б.БАЯРТ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.