Үе үеийн эрх баригч, удирдлагуудын хувьд нийслэлийн шийдэж чадахгүй асуудлуудын тэргүүн эгнээнд түгжрэл "залардаг". Эл асуудлыг шийдвэрлэхээр "Түгжрэлийн сайд"-тай болоод хэдийн нэг жилийг ардаа үдлээ. Гэвчиг энэ хугацаанд дугаарын хязгаарлалтаас өөр түгжрэлийн асуудлыг шийдэж байгаа зүйл өнгөн дээрээ ажиглагдсангүй.
Харин тэрбээр сүүлийн үед метротой болох агуулгыг хөндөж эхэлсэн. Ж.Сүхбаатар "Метро бол нийтийн тээврийн дараагийн үе шат. Энэ чиглэлд Хотын дарга бид хоёр ажиллаж байгаа" хэмээлээ. Түүнчлэн Э.Бат-Үүлийн үед хийлгэсэн ЖАЙКА-гийн судалгаа, ТЭЗҮ-ийг одоо шаардлага хангахгүй хэмээж буй. Тиймээс түүний хувьд БНСУ-ын буцалтгүй тусламжаар метро барих ТЭЗҮ хийлгэхээр судалж байгаа гэдгээ олон нийтэд мэдэгдээд байв.
Тэгвэл Хотын дарга Д.Сумъяабазар хоёр хоногийн өмнө метротой болоход нэг алхам урагшилсан хэмээн мэдээлэл хийв. Тэрбээр "Метроны эхний лайныг 1.5 тэрбум ам.доллароор хийж хэрэгжүүлэхээр нэр заасан. Улаанбаатарт нийтийн тээврийн шинэ шийдлийг хэрэгжүүлэх шаардлагатай байгаа. Засгийн газрын хуралдаанд хэлэлцүүлэхээр тогтоолын төслийг хүргүүлсэн. Эхний ээлжинд шинэ нисэх онгоцны буудлын хурдны замаас хотын төвөөр дайрч, хойш долоон буудал руу чиглэнэ" гэв.
Харин өдгөө ТЭЗҮ-ийг хийж дууссан бөгөөд эхний байдлаар 950 орчим сая ам.доллар буюу 3.29 их наяд төгрөг шаардлагатай хэмээн үзжээ. Ингэхдээ эл зардлыг Улсын төсвөөс гаргахгүй хэмээн тодорхойлсон.
Түгжрэлтэй тэмцэхийн тулд эл санааг өдгөөгөөс 10 жилийн өмнө Э.Бат-Үүл дурдаж эхэлж байв.
2013 онд Э.Бат-Үүл Хотын мээр байхдаа түгжрэлийг шийдэхийн тулд ЖАЙКА-гаар метротой болох судалгааны ажлыг хийлгэсэн байдаг. Тухайн үед нийт 1.5 тэрбум ам.долларын санхүүжилт хэрэгтэй гэх тооцоо гарсан билээ. Тухайн үеийн ханшаар тооцоолбол 2.36 их наяд төгрөгтэй тэнцэнэ гэсэн үг.
Ингэхдээ Японы засгийн газраас 600 сая ам.долларын хөнгөлөлттэй зээлийг метрод зориулж олгоно гэж мэдэгдэж байв. Улмаар бид 2020 он гэхэд метрогоо өлгийдөн авч, тууз хайчлах байлаа.
Нэг үгээр бол бид бодол санаандаа метротой болоод 10 жил, төсөөлөлдөө ашигладаг болоод гурван жилийг өнгөрөөжээ.
Хэрэв Э.Бат-Үүлийн үед барьж чадаагүй ч түүний дараагийн Хотын мээр үргэлжлүүлсэн бол өдгөө бид 10 жилийн хугацаанд түгжрэлд олон жил санаа зовохгүйгээс гадна 93 тэрбум төгрөгийг хэмнэх бүрэн боломжтой байв.
Эрх баригч нам солигдох үед томоохон төслүүд мартагдаж, гацдаг жишиг тогтоод удсан. Э.Бат-Үүлийн үед эхэлсэн ч Су.Батболдын үед мартагдсан метро ийнхүү Түгжрэлийн сайд, Хотын даргын хамтарсан "Их түгжрэлийг бууруулах" төслүүдийн нэгээр дахин нэрлэгдээд буй нь энэ юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Метро хамгийн зөв сонголт шүү. Өөр эргэлзэх юм байхгүй, зард�##� төсөвөөс нь айх хэрэгггүй олон жил үр өгөөжөө өгнө.
БАТ ҮҮЛ ХОТЫН ДАРГА БАЙСАН БОЛ АЛЬ ХЭДИЙНЭЭ МЕТРО БАРЬЧИХ БАЙСАН ДАА. МАН ын ажил дарханы зам , нефтьний үйлдвэр, мухар төмөр зам шиг хөдөлж байна.Яриад попроод байдаг.Ажлийн шийдэл нь МАНынхан ЖДҮХС, ХБ ,НДС,ЭМДС г идснийг шийдсэн шиг юм болоод байна.
Тэнэг хогнуудаа Зүүнээс Баруун тийш эхлээд хийгээч дээ. Дараа нь хөндлөн хэд хэдийг хий. Надаас тэнэг хүмүүс байв�##� гэж, яаж идэж уух вэ гээд л бодоод бгаа даа
Гай болохгүй �######�ж үз
МАН ынхны идсэн их наяд, тэрбум тэрбумаар элбэг метро барих байсан
за битгий үлгэр яриад бай дүүжин гүүр байгуулна гээд хуцаад байсан яасан
Чадлаа юу нэг л дүр эсгэсэн новшнууд
Амжилт Сайд нараа 🙂