Алдарт “BLACKPINK” хамтлагийн дөрвөн гишүүнээс зөвхөн Rose гэрээгээ сунгасан гэх мэдээ Өмнөд Солонгосын сайтуудаар явах болжээ. Үлдсэн гурван гишүүн болох Jisoo, Lisa, Jennie нар өөр агентлаг хайж, хамтлагийн үйл ажиллагаанд жилийн зургаан сарыг л зарцуулдаг болно гэх мэдээлэл явж эхэлсэн байна.
Тус хамтлагийн “YG Entertainment”-тэй хийсэн гэрээ наймдугаар сарын эхээр дууссан. “BLACKPINK” өнгөрсөн долоо хоногт Сөүл хотноо хийсэн тоглолтын үеэр “YG Entertainment” албан ёсны мэдэгдэл гаргана гэж хүлээж байсан ч тэгээгүй юм.
Гэхдээ Jennie Сөүл дэх тоглолтын төгсгөлдөө “Бид BLACKPINK хэвээрээ байх болно” гэж хэлсэн нь хамтлаг тарахгүй, хамтдаа уран бүтээл гаргана гэх итгэлийг фенүүдэд нь төрүүлсэн байна. Дээрх мэдээллээс гадна тус хамтлагийн Lisa 50 тэрбум воны гэрээ “YG Entertainment”-тэй хийхээс татгалзсан гэх яриа гарсан билээ.
Эх сурвалж: Korea Herald
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Рожэ энэ бүхнийг давна туулна гэж би бодох эхээр арайл хэцүү байлаа .Лисагийн үг зөв байх гэсэн бодол сэтгэлд орж ирлээ амжилт.
Би бодож байгаад Рожэ их хүний анхаарлын төвд байгаад байж магадгүй Лиса бүхнийг давна туулна
Би rose дууд аймар дуртай