Саран дээрх Энэтхэгийн хөлөг дахиж асахгүй байх магадлалтай
Энэтхэг улсын “Chandrayaan-3” пуужин наймдугаар сарын 23-ны өдөр саран дээр очиж, “Pragyaan” хөлгийг сарны өмнөд туйл дээр газардуулсан билээ.
Тус хөлөг даалгавраа гүйцэтгэж дууссан тул Энэтхэгийн Сансар судлалын алба унтуулах горимд шилжүүлсэн юм. Гэвч саяхныг хүртэл саран дээр шөнийн цикл явагдаж байсан тул “Pragyaan” хөлөг тэсгим хүйтэн олон цагийн өдрийн турш унтах горимд байснаар дахин асахгүй байх эрсдэл тулгарчээ.
Саран дээрх нэг шөнө болон өдөр дэлхийн 14 хоногтой тэнцдэг. Өнгөрсөн баасан гарагт /2023.09.22/ Энэтхэгийн Сансар судлалын агентлаг саран дээр өдрийн цикл эхэлсэн тул “Pragyaan”-тай холбогдохыг оролдсон ч ямар нэгэн дохио хүлээн аваагүй байна.
Эрдэмтэд саран дээрх өдрийн цикл дуусах хүртэл хөлөгтэй холбоо тогтоож, асаахаар оролдсоор байх болно гэдгээ мэдэгдсэн юм. Гэхдээ Энэтхэгийн Сансар судлалын агентлагийн захирал Киран Кумар өнгөрөх цаг тутам бүр хөлөг дахин асах магадлал багасаж байгаа гэдгийг “BBC” агентлагт хэлжээ.
Эх сурвалж: BBC
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.