Энэ жилийн Азийн спортын их наадам Ханжоу хотод болж байгаа билээ. Өнөөдөр жүдо бөхийн тэмцээний хамгийн сүүлийн өдөр юм. Сүүлийн өдөр холимог багийн төрлөөр орон орнууд медалийн төлөө өрсөлддөг. “Ханжоу 2022” наадамд холимог багийн төрөлд 9 баг оролцсон юм.
Тэгвэл Монгол Улсын баг тамирчид эхний барилдаандаа БНХАУ-ын шигшээ багт 4:3-ын харьцаатай ялагдсан байна. Дараа нь манай бөхчүүд Тайландын багтай өрсөлдөж 4:0 харьцаатай буулган авч, хүрэл медалийн төлөө барилдах эрхтэй болсон билээ.
Тэгвэл Монголын шигшээ баг БНСУ-ын тамирчидтай хүрэл медалийн төлөө барилдаж 4:1 харьцаатай хожсон байна.
Эх сурвалж: hangzhou22.cn
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.