Мал аж ахуйн сэргэлтийн хүрээнд малчдад тулгамдаж буй асуудлуудын шийдлийг боловсруулан гаргасныг Хүнс, хөдөө аж ахуй, хөнгөн үйлдвэрийн сайд Х.Болорчулуун Залуу малчдын үндэсний чуулганы хаалтын үеэр танилцуулав. Залуу малчдыг дэмжих дараах хөтөлбөрүүдийг хэрэгжүүлнэ.
Шийдэл 1. E-malchin цахим хөтөлбөр.
Энэхүү хөтөлбөр нь E-mongolia платформ дээр E-malchin цэсийг бий болгосноор малчдад үзүүлэх төрийн үйлчилгээг нэг цонхоор хүргэх.
Шийдэл 2. Мал эмнэлгийн үйлчилгээний хөлсийг нэмэгдүүлэх эрүүл мэнд хөтөлбөр.
Малын эрүүл мэндийг хамгаалж, мал, мах, малын гаралтай түүхий эд бүтээгдэхүүний үнэ цэнийг нэмэгдүүлэх зорилгоор мал эмнэлгийн үйлчилгээний хөлсийг нэмэгдүүлэх.
Шийдэл 3. Малчдын хөгжлийн төв бий болгох хөтөлбөр.
Багийн төвүүдийг малчдын хөгжлийн төв болгон 1 багийн хөгжлийн төв болгон өргөжүүлж, жишиг загвар гарган ажиллах. Тухайлбал: Малчдад эрүүл мэнд, ахуйн үйлчилгээ, соёл спортын үйлчилгээ үзүүлэх төв байх. Мөн мал аж ахуйн туслах үйлчилгээний нэгж бий болгох.
Шийдэл 4. Малчдад мэргэжлийн боловсрол олгох хөтөлбөр
MCYT-ээр дамжуулан Малчин, Мал зүйч, Малын эмчийн туслах боловсон хүчнийг бэлтгэх хөтөлбөрийг хэрэгжүүлэх, 2024 онд 1000 малчныг сургах.
Шийдэл 5. Малчдын хүүхдүүдэд зориулсан дотуур байр хөтөлбөр.
Сумын төвүүдэд малчдын хүүхдүүдийг сургах дотуур байруудын хүрэлцээг бүрэн хангах, 7 настай сургуульд элсэх боломжоор хангах, дотуур байрны багш нарын тоог нэмэгдүүлэх. Улсын хэмжээнд ЕБС-ийн 532 дотуур байранд 35.7 мянган хүүхэд амьдарч байна. Үүнээс 26.8 мянга нь малчдын хүүхэд. Одоогийн байдлаар жилд 30 орчим дотуур байрыг шинээр барьж байгаа буюу 10 хувийг шинэчилж байна.
Шийдэл 6. Ногоон тэжээл 100 сум 100 га хөтөлбөр.
Тэжээл тариалах боломжтой 100 сумдад 100 га талбайд малчдын бүлэг байгуулсан тохиолдолд техник, тоног төхөөрөмж, үр, бордоо, хашаажуулалтыг урт хугацаатай, хөнгөлөлттэй зээлээр олгох.
Тэжээл тариалах боломжгүй сумуудыг урьдчилсан захиалгын хөтөлбөрт хамруулах, малчид өөрсдөө өвөлжөө, хаваржаандаа болон гэрийн нөхцөлд тэжээл тариалахад сургах, шаардалагатай бага оврын техник хэрэгслийг уян нөхцлөөр зээлээр олгох.
Шийдэл 7. Улсын аваргын журмыг өөрчлөх хөтөлбөр.
Улсын аварга малчны шалгуурыг цахимжуулж, шалгуур үзүүлэлтээс малын тоон үзүүлэлтийг хасах, ухаалаг мал аж ахуй эрхлэгчдийг шалгаруулдаг уралдааныг шинээр зохион байгуулах.
Шийдэл 8. Туршлага судлах хөтөлбөр.
Чуулганд оролцогч залуу малчдаас бусад орны мал аж ахуйн туршлага судлах хөтөлбөрт хамруулах.
Шийдэл 9. Хоост айл хөтөлбөр.
Малчин айлуудыг аялал жуулчлалын чиглэлээр нэгдсэн системд оруулах, сургалт мэдээллээр хангах.
Шийдэл 10. Mал аж ахуйн кластер төсөл хөтөлбөр.
Өвөрхангай аймгийн төслийн загварыг бүсчилсэн хэлбэрээр хэд хэдэн аймагт байгуулах, төслийн дэд бүтцийг төрөөс санхүүжүүлэх.
Эх сурвалж: ХХААХҮЯ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Зөвхөн сонгуульд оноо авахын тулд *М�##�чид*-ын НД-ыг төрөөс төлөх, м�##�чдын хүүхдийг 7 настай сургуульд оруулна!гэж бусад хүүхдүүдийг ялгаварлан гадуурхаж болохгүй!!!
Өө хөөрхий одоо хүүхдүүдэд оны ялгаа гаргах нь
энэ хөдөө царайт сонгуульд дэвшиж байв�##� хүүхдиин хувь заяагаар тоглох юу ч биш ман бодлогоо гаргав.Угаасаа нийт хүүхлийг 7настайгаас сургуульд оруулах нь хамгийн зөв асууд�##�.Гэтэо ман яаж байна өөрийн намын сонгуулийн нэрийг өсгөх гэж байна.Нийт бүх хүүхвийг 7настайд сургуульд авна гэж хууль гаргахад хэцүү юм байхгүй.Ман нам ийм баьиар хүүхдээр тоглолт хийнэ ганц сайн зүйл хийхгүй юмаа.