Алдарт “BTS” хамтлагийн гишүүн Жонгүг “3D” нэртэй шинэ дуугаа есдүгээр сарын 29-нд гаргасан билээ. Түүний шинэ дуу АНУ-ын “Billboard” чартын шилдэг 100 дууны чартад 5-р байранд жагссан байна.
Өнгөрсөн зун гаргасан түүний “Seven” дуу нь мөн “Billboard”-ын жагсаалтыг тэргүүлсэн билээ. “Billboard”-н сайтаас харвал одоогийн байдлаар “3D” дуу 13.6 сая удаа стриминг хийгдэж, 3.1 сая удаа радиогоор тоглогдон, биетээр 87 мянган хувь борлуулагджээ.
Жонгүгийн долоодугаар сард цацсан “Seven” уран бүтээл нь “Billboard”-ын чартад дэбют хийхдээ нэгдүгээрт жагссан. Түүний арван нэгдүгээр сарын 3-нд гарах “Golden” ганцаарчилсан цомогт “3D” болон “Seven” дуу нь багтана.
“BTS” хамтлаг “Billboard”-ын топ 10-т жагссан 10 дуутай, энэ дунд 1-т жагссан 6 уран бүтээл байдаг юм.
Эх сурвалж: Korea Times
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.