Л.Оюун-Эрдэнэ: Нийслэлд бугшсан авлигыг задлахад таны эр зориг, улстөрийн манлайлал хэрэгтэй байна

Монгол Улсын Ерөнхий сайд Л.Оюун-Эрдэнэ Нийслэлийн Засаг даргын даргаар Х.Нямбаатарыг батламжлан захирамж гаргаж, тамга гардуулахаа нийслэлчүүдэд хандан үг хэллээ.

Тэрбээр “Х.Нямбаатар та ХЗДХ-ийн сайдаар ажиллахдаа дээд шатагд бугшсан авлигыг илрүүлж, далд эдийн засаг тэлэхэд өндөр оролцсон.

Эдийн засгаа хүртээмжтэй байлгахын тулд дунд шатны авлигыг цэгцлэх, тэр дундаа Монгол Улсын иргэдийн 50 гаруй хувь нь ажиллаж, амьдардаг нийслэлд бугшсан авлигын системийг задлахаар өөр гарцгүй юм. Тийм ч учраас таны эр зориг, улстөрийн манлайлал нийслэлд хэрэгтэй болж байна.

Өнгөрсөн 30 жилийн газрын наймааны асуудал, зөвшөөрөлгүй баригдсан барилгуудын хууль бусаар олгогдсон техникийн зөвшөөрлүүд, цаанас нь нуугдаж байгаа авлига болон албан тушаалтнууд, СӨХ, албан тушаалтнууд, нэр бүхий шүүгчид, тэдний хамаарал бүхий этгээдүүдийн хууль бус үйлдлүүдийг цэгцлэх шаардлага байна. Сургуулийн газар, хороолол доторх хороолол, “жуулчны отог” нэртэй хаус хотхонууд гэр хороолол болсон аялал жуулчлалын бүсүүдийг бий болгосон улстөрчид тэдний нөлөө бүхий хүмүүсийг илрүүлэн гаргах шаардлагатай.

Нийтийн тээвэр болон таксины стандартыг шинэчлэн тогтоох шаардлагатай байна. Ямар ч хувийн эрх ашиг нийтийн эрх ашгаар хязгаарлагддаг нь ардчилсан улс орнуудын хөгжлийн зарчим билээ.

Үерийн далан хааж барьсан авлигын цамхагууд, төмөр замын бүсэд сүндэрлэсэн тансаг хорооллууд, замын голдирлыг бөглөж боссон худалдааны төвүүдийн цаана хэдхэн хүн баяжиж, нийт нийслэлчүүдийн эрх ашиг хохирох ёсгүй.

Нийслэлчүүд алдагдсан боломжийн өртөг, алдагдсан ногоон байгууламж, алдагдсан нийтийн талбайгаа нэхэмжлэх эрхтэй гэж бодож байна.

Энэхүү системийн авлигын тогтолцоог илчлэх ажиллагаанд ил болон далд утгаар улстөрчид болон албан тушаалтнуудад Ерөнхий сайдын хувьд хатуу анхааруулж байна.

Х.Нямбаатар таныг нийслэл хотын тулгамдаж байгаа асуудлыг хурдтай, зоригтой шийдвэрлэнэ гэдэгт итгэж байна.

Энэ мэдээнд өгөх таны үнэлгээ

Хуваалцаарай Жиргээрэй