Алдарт жүжигчин Майкл Кэйн уран сайхны карьераа дуусгаж буйгаа мэдэгджээ. Тэрбээр “BBC Radio 4”-т ярилцлага өгөхдөө “The Great Escaper” кино нь түүний тоглосон хамгийн сүүлийн уран сайхны кино байх болно гэж хэлсэн байна.
Кейн ярилцлагын үеэр “90 настай хүмүүс гол дүрд тоглоод байдаггүй шүү дээ. Тэтгэвэртээ гарна гэж би байнга хэлсээр л ирсэн. Харин одоо тэр цаг нь ирлээ гэж би шийдлээ. Карьерынхаа явцад миний гол дүрд нь тоглосон кинонууд үнэхээр гайхалтай үнэлгээ авч байсан. Одоо үүнээс өөр юу хийх вэ дээ” гэж хэлжээ.
Тэрбээр 2021 онд “Best Sellers” нэртэй дүр бүтээсэн кино нь нээлтээ хийсний дараа “Миний нуруугаар өвддөг. Үүнээсээ болоод сайн алхаж чаддаггүй” гэж хэлээд удахгүй уран бүтээлийн замналаа дуусгана гэж байсан юм. Кейн 1960 болон 2000 онд Оскарын шагнал хүртсэн. Тэрбээр “Dark Knight” франчайз кинонууд, “Interstellar”, “Zulu” гэх мэт уран бүтээлүүдээрээ алдартай.
Эх сурвалж: CNN
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.