“The Times Higher Education” 2024 оны шилдэг их сургуулийн жагсаалтыг гаргасан байна. Тус жагсаалтыг Оксфордын их сургууль найм дахь жилдээ тэргүүлжээ.
Топ 10 их сургуулиудад Харвард, Кэмбриж гэх мэт алдартай сургуулиуд орсон байна. Харин эхний таван байрт бага зэрэг өөрчлөлт орж Стэнфордын их сургууль гуравдугаар байрнаас хоёрт, Массачусетсийн Технологийн их сургууль тавдугаар байрнаас гуравдугаарт орсон аж.
Европ, АНУ дахь их сургуулиудын үнэлгээ буурч байгаа ч Азийн их сургуулиудын чансаа нэмэгдсээр байна. Тухайлбал Цинхуа, Пэкингийн их сургууль Пенсильвани, Жонс Хопкинс, Колумбийн их сургуулиудыг чансаагаараа давж эрэмбэлэгджээ.
Мөн Токиогийн их сургууль Эдинбург, Лондоны Эдийн засаг улс төрийн шинжлэх ухааны сургууль, Лондоны Кингс коллежоос өндөрт эрэмбэлэгдэж, 10 байр урагшлан 29-т жагссан байна.
Сүүлийн 6 жилийн баримтад дүн шинжилгээ хийсний үр дүнд "The Times Higher Education" АНУ-ын их сургуулиудын дундаж зэрэглэл 2019 онд 296 байснаа 348 болж буурсан гэдгийг илрүүлжээ. Харин Их Британи сургуулиудын дундаж зэрэглэл 451-ээс 477 хүртэл буурсан аж.
Эх сурвалж: Euro News
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.