ДАШТ-ий урьдчилсан шатны эхний тоглолтод манай улсын далбааг социализмын үеийнхээр мэдээлжээ

АНУ, Канад, Мексик улсад болох 2026 оны ДАШТ, ААШТ 2027-гийн урьдчилсан шатны тоглолтын эхний тэмцээнүүд болж байгаа билээ. Манай улсын шигшээ багийн хувьд Ташикистан улсад очиж, аравдугаар сарын 12-ны өдөр Афганистаны эсрэг тоглосон юм.

Тэгвэл уг тоглолтод манай улсын шигшээ баг 1:0 харьцаагаар ялагдал хүлээсэн билээ. Уг мэдээллийг AFC буюу Азийн хөлбөмбөгийн холбоо өөрсдийн албан ёсны цахим хуудастаа мэдээлэхдээ манай улсын далбааг социализмын үеийнхээр мэдээлжээ.

БНМАУ-ын далбаа 1945-1992 оны хооронд соёмбын дээд хэсэгт таван одыг байрлуулсан байдаг юм.

Цахим орчинд тэдний албан ёсны фейсбүүк хуудаст уг постер нийтлэгдсэний дараагаар Монгол дахь хөлбөмбөгийн фанатууд уучлал хүсэж, манай улсын далбааг залруулах агуулга бүхий сэтгэгдлүүдийг бичиж эхэлсэн билээ. Гэсэн хэдий ч AFC-гийн зүгээс өнөөдрийг хүртэл залруулаагүй юм. Харин Монголын хөлбөмбөгийн холбооноос уг асуудлыг тодруулахаар холбогдсон ч албан утаснууддаа хариу өгсөнгүй.

Ташрамд дурдахад, хоёр улсын шигшээ багууд хариу тоглолтоо Монгол Улсад маргааш буюу аравдугаар сарын 17-ны өдрийн 15.00 цагаас тоглох билээ. Тоглолт Улаанбаатар хотноо Монголын хөлбөмбөгийн холбооны талбайд зохион байгуулагдана.

Тэгвэл Үндэсний шигшээ багт дуудагдсан 23 тамирчны нэрийг хүргэе. Үүнд,

Хаалгачаар,

• А.Сайханчулуун /ФС Ховд/
• Б.Ариунболд /Хангарьд/
• С.Батмагнай /Дэрэн/

Хамгаалагчаар,

• Н.Хашчулуун /Дэрэн/
• Г.Бат-Оргил /ФС Улаанбаатар/
• Б.Амгаланбат /ФС Улаанбаатар/
• Филип Андерсон Чинзориг /ФС Славия Карловы/
• О.Мөнх-Оргил /Дэрэн/
• П.Баярцэнгэл /Хангарьд/
• Б.Ууганбат /Дэрэн/
• Э.Өнөр-Эрдэнэ /ФС Улаанбаатар/

Хагас хамгаалагчаар,

• П.Ууганбаяр /ФС Улаанбаатар/
• Г.Буяннэмэх /ФС Ховд/
• А.Дөлгөөн /Дэрэн/
• Б.Цогтбаяр /Su Rebenland/
• Б.Батмөнх /Дэрэн/
• Ц.Баасанжав /Дэрэн/
• Х.Цэнд-Аюуш /Төв Азарганууд/

Довтлогчоор,

• У.Тэмүлэн /Sporting Ilch/
• Г.Ганбаяр /ФС Комарно/
• Б.Намсрай /SP Falcons/
• О.Мижиддорж /ФС Улаанбаатар/
• Б.Мөнх-Эрдэнэ /ФС Ховд/ нар багтжээ.

Энэ мэдээнд өгөх таны үнэлгээ

Хуваалцаарай Жиргээрэй