Газын зурвасын Эрүүл мэндийн яам мэдэгдэл хийхдээ аравдугаар сарын 7-ны өдрөөс хойш 4651 Палестин иргэн амь үрэгдэж, 14,245 хүн бэртсэн гэжээ.
Хамас бүлэг гэнэтийн дайралт хийсний дараа 1,400 гаруй Израил иргэд амь үрэгдсэн. Дайны улмаас хоёр талд нас барсан хүмүүсийн тоо 6 мянга давлаа.
Дайн эхэлсний дараа Израилын арми Газын зурвасын хойд хэсэг дэх энгийн иргэдийг өмнөд руу шилжин суурьшихыг сануулсан билээ. Нас барсан Палестин хүмүүсийн 839 нь өмнөд Газад амиа алдсан байна. Газын Эрүүл мэндийн яам гаргасан мэдэгдлээс харвал нас барсан хүмүүсийн 1,873 нь хүүхдүүд, 1,101 нь эмэгтэйчүүд, 1,677 нь эрэгтэйчүүд байсан аж.
Израилын Батлан хамгаалахын сайд Йоав Галлант “Газа дахь цэрийн ажиллагаа нэг, хоёр эсвэл гурван сар үргэлжилж магадгүй, гэхдээ эцэст нь Хамас үгүй болно. Үйл ажиллагааны чадварын хувьд Израилын Зэвсэгт хүчнийг юу ч зогсоохгүй” гэж хэлжээ.
Эх сурвалж: BBC, Associated Press
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.