ОХУ-ын Парламентын дээд танхим цөмийн бөмбөг туршихыг хориглосон олон улсын тохиролцоог хүчингүй болгох хуулийн төслийг дэмжсэн билээ. Тус хуулийн төсөл дэмжигдсэнээс хэдхэн цагийн дараа ОХУ-ын арми цөмийн пуужин харвах сургуулилт хийсэн байна.
Путин цөмийн зэвсэг туршихыг хориглосон тохиролцоог хүчингүй болгох нь АНУ-тай ижил зүйл хийж байгаа явдал гэж хэлсэн. Учир нь АНУ тус тохиролцоонд гарын үсэг зурсан ч соёрхон баталаагүй юм.
Оросын төрийн өмчит телевиз цөмийн пуужин харвах сургуулилтыг шууд дамжуулжээ. Телевизийн дамжуулалт дээр Путин армийн өндөр албан тушаалтнуудтай сургуулилтыг удирдаж байгаа нь гарсан байна.
ОХУ-ын Батлан хамгаалахын сайд Сергей Шойгу сургуулилтын зорилго нь “Дайсны цөмийн цохилтын хариуд стратегийн довтолгоо хийж асар хүчтэй цөмийн цохилт өгөх”-ийг давтах явдал гэж хэлжээ.
Үүнтэй ижил сургуулилтыг Оросын арми жил болгоны наймдугаар сард хийдэг. Гэхдээ өчигдрийн сургуулилт ОХУ болон барууны орнуудын хооронд нөхцөл байдал хурцадсан үед явагдав.
Эх сурвалж: Associated Press
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.