Сансарын өргөн уудам орон зайд таны нэр нисэж явна гээд төсөөлөөд үз. Яг тийм боломж гарч иржээ. НАСА ирэх жилийн аравдугаар сард Бархасбадь гарагийн Европа сар луу нисэх Europa Clipper хөлөг дээр хүмүүсийн нэрийг бичин илгээх гэж байна.
“Message in a Bottle” нэртэй тус хөтөлбөрийн хүрээнд бүртгүүлсэн хүмүүсийн нэрийг микрочип дээр лазерын тусламжтай сийлэх юм. Нэр болгоныг хүний үсийг 1000 хуваасны нэгтэй (75 нанометр) тэнцэхүйц урттай бичнэ.
Одоогийн байдлаар 860 мянга гаруй хүн нэрээ сансар луу нисгэхээр бүртгүүлжээ. Нэрээ сийлүүлэхийг хүсвэл шинэ он гарахаас өмнө бүртгүүлэх шаардлагатай юм.
Europa Clipper хөлөг 2.6 тэрбум километр аялж Бархасбадийн Европа сар дээр хүрнэ. Тус хөлөг Европа сарны мөсөн давхаргын зузаан, түүний бүтцийг судална. Ингэхдээ нийтдээ Европаг 50 удаа тойрон эргэж өнгөц гадаргын доорх далай, мөсөн царцдас, агаарын мандлын талаар мэдээлэл цуглуулах аж.
ЭНД ДАРЖ нэрээ бүртгүүлээрэй.
Эх сурвалж: BBC
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.