Их Британийн хаан III Чарльз BLACKPINK хамтлагийн дөрвөн гишүүнд төрийн цол хэргэм олгосон байна. БНСУ-ын Ерөнхийлөгч Юн Сок Ёл Их Британид төрийн айлчлал хийж байгаа билээ.
Тус айлчлалын хүрээнд мягмар гарагийн /2023.11.21/ орой Букингемийн ордонд хүндэтгэлийн зоог барьсан. Букингемийн ордны бүжгийн танхимд 170 гаруй зочин цугласанд BLACKPINK хамтлагийн гишүүд байсан юм.
Хаан III Чарльз ёслолын зоогийн үеэр үг хэлэхдээ “Blackpink нэрээрээ алдаршсан Женни, Жисү, Лиза, Рөүз нарт дэлхий дахинд хүрээлэн буй орчны тогтвортой байдлын талаарх ойлголтыг хүргэсэнд сайшааж байна. Дэлхийн супер одод болохын зэрэгцээ эдгээр чухал асуудлуудад анхаарал хандуулж байгааг нь бишрэхээс өөр аргагүй” гэжээ.
Тэгвэл лхагва гарагт III Чарльз /2023.11.23/ BLACKPINK хамтлагийн гишүүдэд Британийн эзэнт гүрний хамгийн шилдэг гишүүн (Most Excellent Order of the British Epmire) цол хэргэмийг олгосон байна. Тус хамтлагийн гишүүд 2021 онд болсон “COP26”-ийн уулзалтад элчин сайдаар ажиллаж, уур амьсгалын өөрчлөлттэй тэмцэхэд тусалсныг нь үнэлж III Чарльз энэхүү цолыг олгосон аж.
Эх сурвалж: Yonhap
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Ээ чааваас, Нэгдсэн вант улс ингэж доошоо орох гэж
Монголд л төмөр өгдөг гээд орилоод байдгууд харж ав. Төрт улсуудад бас ийм шагн�##�ууд байдаг юм байна
Энэ шагн�##� язгууртны хэргэм зэрэг үү.Эсвэл одон орон мед�##�ь юм уу